Banorët e Bërxullës kanë dalë sërish në protestë ditën e sotme për shkak se nuk janë dakord me zhvlerësimin që u bëhet pronave të tyre të cilat preken nga ndërtimi i aksit Thumanë-Kashar.
6 familje të përbëra nga 32 anëtarë protestuan në zonën e njohur si Ura e Limuthit, pasi u ishte njoftuar nga IKMT se do u prishen banesat.
Madje në një moment, disa prej anëtarëve të këtyre familjeve hypën në tarracat e shtëpive të tyre për të kundërshtuar shembjen e banesave, duke kërcënuar edhe me aktin ekstrem të djegies me benzinë.