Një leje ndërtimi për të cilën SPAK ka inkriminuar biznesmenin Shkëlqim Fusha në çështjen Veliaj dhe i ka vënë masë sigurie, është edhe për një banesë 1 katëshe në Yrshek. Report Tv e zbuloi këtë shtëpi dhe bisedoi me pronarin, kryefamiljar, i cili prej 13 vitesh punon në gomisteri. Ai thotë se nuk e ka takuar kurrë kryebashkiakun, ndërsa Fushën e njeh pasi i ka ndërruar disa herë gomat e makinës. Ai mohon që për shtëpinë ndërtuar në pronën e tij të ketë paguar lekë nën dorë apo dikush të ketë ndërhyrë për ta marrë.