Pse u arrestuan mjekët në Shkodër ?

28 Shtator 2018, 11:23

Emisioni Repolitix në Report TV trajtoi temën e arrestimit të disja mjekëve në Shkodër. Të ftuar ishin gazetarët e rrethit Ergys Kavaja dhe Senad Nikshiqi si dhe politikanët Leonard Solis dhe  Klodiana Spahiu.

Gazetari i Report Tv në Shkodër, Ergys Kavaja, i ftuar në emisionin "Repolitix" tha se prej burokracisë së Prokurorisë, mjekët e Shkodrës ende nuk janë kthyer në punë, edhe pse u lanë të lirë nga Gjykata. Sipas tij, situata në spitalin e Shkodrës, pas zhvillimeve të fundit, ka sjellë dorëheqjen e tre mjekëve.

Ende nuk janë rikthyer në punë pas ndalimit nga policia. Po zvarritet me burokraci shkresa nga Prokurorira për të dorëzuar në spitalin e Shkodrës. Mjekët janë të thyer përballë kësaj situate. Janë tre dorëheqje, të cilët nuk duan të jenë më pjesë e këtij spitali, prej kësaj klime që është krijuar.Gazetari Senad Nikshiqi tha në "Repolitix" në Report Tv se, 512 operacionet që ka bërë mjeku kardiolog, Luan Dragusha në Spitalin e Shkodrës, ka sjellë zilinë e privatëve, të cilët nuk duan operacione falas, por që pacientët të shkojnë drejt tyre. Arrestimin e mjekëve të këtij spitali, Nikshiqi e lidh pikërisht me ndikimin e spitaleve private. Sipas tij, në shtet një operacion në zemër për koronare nuk paguhen para, ndërsa te privatët shuma arrin deri në 2500 euro për një ndërhyrje. 

Programe të tjera

Shiko të gjitha