Punimet në Ujësjellësin e ri, Vlora do të ketë kufizime në furnizimin me ujë për dy ditë

26 Maj 2025, 13:40 | Përditesimi: 26 Maj 2025, 13:40

Në Vlorë, për dy ditë do të ketë kufizime të furnizimit me ujë për shkak të punimeve që do të kryhen për Ujësjellësin e ri. Ujësjellës Kanalizimet në rajonin e Vlorës, përmes një njoftimi, bën të ditur se kufizimet do të nisin të martën në orën 09:00 dhe pritet të vazhdojnë deri të mërkurën.

“Ujësjellës Kanalizime Rajoni Vlorë, njofton për kufizime të furnizimit me ujë!

Stakimi i stacioneve të pompimit, të martën në datë 27 Maj dhe të mërkurën në datë 28 Maj në kuadër të punimeve për ujësjellësin e ri të Vlorës. Kufizimi nis në orën 09:00 të mëngjesit të ditës së martë.

r.k./Shqiptarja.com