SHKODËR - Shumë qytetarë të Shkodrës dhe aktivistë të ndryshëm kanë protestuar në mënyrë simbolike për vrasjen e 25-vjeçarit Klodjan Rashës.
Ata kanë thyer orën policore duke dalë në sheshin kryesor duke marshuar drejt pedonales në heshtje.
Qytetarët kanë përcjellë mesazhin se thyerja e orarit policor nuk mund të bëhet shkak i veprimeve ekstreme.
Marshimi është mbyllur me vendosjen e qirinjve në dyert e prefekturës si një institucion në varësi të qeverisë.
Policia pavarësisht se ka patrulluar në qytet, nuk i ka penguar qytetarët që të protestojnë.