Shefja e infektivit, Najada Çomo ka dhënë dorëheqjen nga mandati i deputetes. Këtë e bëri me dije sot kryeministri Edi Rama. Në konferencën për shtyp, në përmbyllje të mandatit të dytë qeverisës, ndërsa falënderoi mjekët për punën e tyre në luftën me pandeminë, Rama vlerësoi Çomon për vendimin e saj, duke  e cilësuar si përgjegjësi të lartë profesionale. Sipas Ramës, Çomo ishte kërkuar të qëndronte pranë ekipit të saj, në një kohë kur varianti Delta po përhapet masivisht në vend.