Kryeministri Edi Rama përsëriti dhe një herë sot se projekti në Zvërnec do të ecë përpara dhe se përfaqëson një të mirë për ekonominë shqiptare. Në shënimet periodike të javës ai u ndal gjatë te protestat që po zhvillohen, duke u shprehur se raportimet e ekzagjeruara të mediave të huaja, po japin shenjat e para me anulimin e prenotimeve, gjë të cilën ai e quajti shqetësuese e me pasoja për gjithë ato biznese e familje që jetojnë me turizmin.