Rizgjedhja e Sali Berishës në krye të Partisë Demokratike pa asnjë rival në garë tregon se PD vazhdon të mbetet “e pushtuar” dhe pa demokraci të brendshme. Kështu u shpreh analisti Ilir Yzeiri, në një intervistë për emisionin ‘Sot Live në Shqipëri’ në Report TV, duke shpjeguar se problemi nuk lidhet vetëm me Berishën, por edhe me mentalitetin politik në Shqipëri, ku sipas tij shoqëria vazhdon të prodhojë liderë dominantë por jo liri apo konkurrencë reale brenda partive.