Rruga nacionale Shkodër – Hani i Hotit, është një nga njollat e zeza të aksidenteve në qarkun Shkodër. Report Tv kreu një vëzhgim në këtë segment ku shihet qartë mungesa e sinjalistikës dhe e mbikalimeve për banorët që kanë shtëpitë në dy anët e rrugës.
Të udhëtosh në mbrëmje është një mision i vështirë, pasi ka një mungesë të theksuar të ndriçimit në rrugë çka është bërë shkaktari kryesor i aksidenteve me vdekje në rrugën nacionale Shkodër – Hani i Hotit, që lidh Shqipërinë me Malin e Zi.