Deputeti Ervin Salianji ka kërkuar që të seanca në Komisionin e Sigurisë me kryetaren e SHISH Vlora Hyseni të mbahet me dyer të hapura. Por seanca u vendos që të mbahet me dyer të mbyllura.
Në lidhje me këtë vendim, Salianji theksoi se kërkon që të japë mendimin e tij, por kjo nuk u lejua nga kryetari i Komisionit të Sigurisë, Nasip Naço.
Ky reagim i Naços, solli edhe indinjimin e Salianjit, i cili goditi me grushte tavolinën. Naço iu përgjigj duke i thënë se nuk frikësohet nga ky veprim.