Në kulmin e sezonit turistik, kur Tirana pret mijëra vizitorë, Ujësjellës Kanalizime Tiranë po garanton shërbim 24 orë në ditë për qytetarët dhe turistët.
Këtë e theksoi kreu i Grupit Parlamentar të Partisë Socialiste dhe drejtuesi politik për Tiranën, Taulant Balla, gjatë një vizite në UKT, ku u prit nga drejtori Flauers Shoshi dhe u njoh me organizimin e punës së strukturave operative.
Sipas drejtuesit të UKT-së, shërbimi operativ funksionon 24 orë në ditë, shtatë ditë në javë, duke mundësuar marrjen dhe trajtimin në kohë të kërkesave dhe ankesave të qytetarëve.
