Lagjja “Apollonia” e Fierit mëngjesin e sotëm i ngjante një arene lufte pasi 4 makina u përfshinë nga flakët në orët e para të mëngjesit.

Zjarri ka nisur rreth orës 03:20 minuta në automjetin tip "Benz", në pronësi të shtetasit N. B., i parkuar.

Nga informacionet e para të policisë dyshohet  për shkaqe elektrike

Si pasojë  është djegur edhe automjeti tip "Nissan" në pronësi të shtetasit M. B., automjeti tip "Volkswagen", në përdorim nga shtetasi A. P. dhe është djegur pjesërisht automjeti tip "Volkswagen" në pronësi të shtetasit M. Gj., të cilat ishin parkuar afër këtij automjeti.

Grupi hetimor po punon për sqarimin e rrethanave të ngjarjes.