Teksa ligji për barazinë gjinore ka ndezur debate si në politikë ashtu edhe në shoqërinë civile, në emisionin ‘Sot Live në Shqipëri’ me moderator Nertil Agalliu u zhvillua një debat mes Lindita Panos, anëtare e Koalicionit Shqiptar Pro Familjes, dhe Ejnxhi Pepës nga Linja e Këshillimit për Gra dhe Vajza. Pano deklaroi se ligji mund të sjellë barazi edhe në sporte, duke lejuar meshkujt që ndihen gra të konkurrojnë në kategoritë femërore, gjë që sipas saj do të diskriminonte gratë për shkak të diferencave fizike. Kjo deklaratë u kundërshtua nga Pepa, e cila theksoi se ligji njeh këto diferenca dhe synon mbrojtje të barabartë për të gjitha grupet.