Protestat u bënë pjesë e diskutimeve edhe në Komisionin e Bujqësisë, ku deputeti demokrat Xhelal Mziu kërkoi dorëheqjen e kryeministrit Edi Rama dhe krijimin e një qeverie teknike. Mziu e përshkroi situatën në vend si një “gjendje lufte”, duke deklaruar se studentët kanë lënë auditorët për të dalë në protesta. Kryetari socialist i komisionit, Blendi Klosi, iu përgjigj se debatet politike do të zhvillohen në seancën plenare, ndërsa komisioni duhet të vazhdojë shqyrtimin e projektligjeve që lidhen me integrimin europian.