Kryeminstri Edi Rama ka bërë me dije se një pjesë e vaksinave të blera prej kompanisë Pfizer nga qeveria pritet të vijnë sot në darkë në Shqipëri.
Kësisoj me ardhjen e tyre nesër do të të bëhet doza e dytë e vaksinës anti COVID te personat që kanë marrë dozën e parë.
Deri sot janë vaksinuar 670 personel shëndetësor. Kryeministri bëri të ditur se këtë herë do të vijnë më pak vaksina se sa herën e parë, ndërsa shtoi do të vijojë vaksinimi me mjekët dhe infermierët dhe paralelisht me pensionistët. Këtu vijoi duke thenë se plani i vaksinimit në 14 muaj nuk ka rënë ende dhe se jemi afër arritjes së marrëveshjes përfundimtare edhe me AstraZenecën.
Ndërkohë bëjmë me dije se në kryeqytet janë hapur dhe 4 qendra të tjera të testimit të shpejtë në Tiranë.