Kuvendi i Partisë Demokratike ka votuar sot në parim, nen për nen dhe në tërësi ndryshimet në statutin e partisë.

Në statut mbetet i pandryshuar “neni Basha” çka do të thotë se kryetari i partisë duhet të japë dorëheqjen në rast të humbjeje zgjedhore. Në statut është shtuar tashmë një komision që do të seleksionojë kandidaturat për deputet ose kryetar bashkie, dhe do të bëjë një filtër të emrave të cilat më pas do të futen në primare. Pra, në primare nuk shkon kushdo, por kush kalon sitën e këtij komisioni.