Kryetari i PD Sali Berisha nga selia blu sulmoi të gjithë drejtuesit e Policisë së Shtetit duke i akuzuar si “kriminelë të certifikuar”. Berisha tha se me urdhër të Ramës, ata kanë sulmuar drejtuesit kryesorë të PD, të cilët kanë përfunduar në spital. Ndonëse nuk u pa asnjë shpërthim molotovi, përveç atyre në derën e kryeministrisë, Berisha tha se policia ka hedhur molotovë duke plagosur protestues e efektivë, për t’ia faturuar këto akte dhune protestës së opozitës.