Një ditë pas sulmit të dy ushtarëve në Uzinën e Armëve në Gramsh, nga 2 rusë dhe një ukrainas, ministri i Mbrojtjes Niko Peleshi tha se ato ishin pikasur dhe mbajtur nën vëzhgim. Duke u ndalur tek situata gjeopolitikë në rajon dhe në botë, ministri i Mbrojtjes tha për gazetarët se incidenti nuk mund të trajtohet si një rast i zakonshëm dhe se autoritet në Shqipëri po e trajtojnë me shumë vëmendje, pasi ato kanë reaguar dhunshëm ndaj ushtarëve. 'Kemi të drejtë të dyshojmë për spiunazh, pasi janë futur me dhunë në një zonë të ndaluar ushtarake dhe nuk mund të themi ende nëse ishin blogerë apo jo', u shpreh ministri Peleshi, ndërsa bëri thirrje që të pritet të zbardhet ngjarja.