Një regjisor i talentuar i Akademisë së Artit "Marubi", Rigers Plaka, sjell në një dokumentar historinë e jashtëzakonshme të rënies së avionit amerikan me 12 mjekë dhe 30 infermiere në një nga liqenet e Belshit, në të largëtin 8 nëntor 1943. Avioni ushtarak që do të shkonte në Bari, Itali, u godit nga gjermanët dhe piloti amerikan e drejton atë me mjeshtëri drejt Shqipërisë duke bërë uljen e detyruar në Liqenin e Çestijes, një prej 80 liqeneve të zonës së Belshit. Të parët që i gjetën ishin fshatarët Belshiotë. Sot i moshuar, belishioti Xhavit Elezi dhe shokët e tij Zyber Kasa, Selim Kullolli i panë e i takuan të parët. Mjekët dhe infermierët, të trembur, donin të dinin nëse në zonë kishte gjermanë. "Jo! I siguruan fshatarët", dhe i strehuan nëpër shtëpi. Por historia nuk mbaron këtu. Gjithë aventura për t'u kthyer në Bari, Itali, operacionet speciale për marrjen e tyre nga agjentë amerikanë, sulmi i Beratit nga Gjermanët dhe mbrojtja e amerikanëve nga ana e popullsisë, bënë që asnjëri prej tyre të mos cënohej e të kthehej nga Vlora në Bari shëndoshë e mirë. Por pas çlirimit dhe vendosjes së komunizmit, inati i Enver Hoxhës me "imperialistët" amerikanë ishte i pakufi. Pushkatoi intelektualin beratas Kostaq Stefa, pasi me anglishten e tij dhe me ndihmën e tij shpëtoi amerikanët. Edhe pse partizanë dhe ballistë u mobilizuan për të përcjellë mjekë e infermiere nga Berati në Vlorë, shëndoshë e mirë, për Enverin kjo s'kishte rëndësi. E gjithë kjo histori e mrekullueshme u mbajt sekrtet nga amerikanët deri në vitet '90. Ata kishin urdhër të mos flisnin pasi diktatura shqiptare mund të hakmerrej ndaj fshatarëve belshiotë siç bënë me intelektualin beratas Kostaq Stefa. Dokumentari i përgatitur nga Rigers Plaka me ndihmën edhe të Artur Metës, specialistit të Trashëgimisë pranë Bashkisë së Belshit, është i mbushur plot me foto, dëshmi e video që tregojnë një gjë mbi të gjithë: Zemrën e artë të shqiptarëve ndaj njerëzve të rrezik.
Dokumentari/ Ja si belshiotët shpëtuan 12 mjekë dhe 30 infermiere amerikanë që ranë me avion në 8 nëntor 1943 (foto/video/dëshmi)
10 Qershor 2019, 06:47 | Përditesimi i fundit: 2019-06-10 13:48:43
10 Qershor 2019, 06:47
Video të fundit në programin Veri-jug Të gjitha
-
Veri Jug - Një minifermë delesh në Bedat
17 Mars, 15:37 -
Veri Jug - Peshkimi i harruar në lagunë
17 Mars, 14:31 -
Veri Jug - Jeta në Bedat /Karavasta e Re (17.03.2024)
17 Mars, 14:29 -
Veri Jug - Fytyra e historisë në Gurin e Zi (10.03.2024)
10 Mars, 14:02 -
Veri Jug - Këmbana e dhuruar nga Vatikani
10 Mars, 13:57 -
Veri Jug - Guri i Zi dhe kështjella e Gajtanit
10 Mars, 13:52 -
Veri Jug - Maqellara (03.03.2024)
3 Mars, 13:44 -
Veri Jug - Një minifermë moderne në Kllobçisht
3 Mars, 13:38 -
Veri Jug - Jetë e vështirë në Kllobçisht
3 Mars, 13:36 -
Veri Jug - Maliqi, qyteti i sheqerit dje dhe sot
25 Shkurt, 14:16 -
Veri Jug - Bletët, si ekonomi për familjet në Libonik
25 Shkurt, 14:15 -
Veri Jug - Maliqi (25.02.2024)
25 Shkurt, 14:13 -
Viçat si e ardhur ekonomike në fermë
18 Shkurt, 13:45 -
Një fermë lopësh gjysmë të egra
18 Shkurt, 13:43 -
Ishmi, një perlë në kodrat e Durrësit (18 janar 2024)
18 Shkurt, 13:41 -
Veri Jug - Bujtina e kuqe dhe muzeu etnografik
11 Shkurt, 13:53 -
Veri Jug - Peza drejt turizmit elitar dhe familjar (11.02.2024)
11 Shkurt, 13:35 -
Një kooperativë private ullinjsh në Trevllazër (4 shkurt 2024)
4 Shkurt, 13:38 -
Kooperativa dhe prodhimi i ullinjve
4 Shkurt, 13:35 -
Ngritja e kooperativës së ullinjve
4 Shkurt, 13:34