KORÇË- Më pak se një javë pas thirrjeve "Rama ik", të të rinjve të FRPD-së në Air Albania Stadium, e njëjta histori është përsëritur sërish në një stadium, por këtë herë në ndeshjen Skëndërbeu-Tirana e cila u luajt në Korçë ditën e djeshme.
Në minutën e 54-t të ndeshjes "tifozët" e një tribune kanë thirrur ''Rama ik!'' për disa minuta, të cilat janë fiksuar nga kamerat.
Nuk dihet ende nëse, ashtu si në ndeshjen Shqipëri-Francë, edhe kjo thirrje është e dirigjuar nga të rinjtë demokratë.
Ndonëse një episod i pakëndshëm që ka ndodhur jashtë botës së futbollit, PD ka nxituar të bëjë një reagim lidhur me të. Ish-deputeti i PD-së Edi Paloka. Ai ka postuar video nga thirrja e tyre duke e shoqëruar me një deklaratë politike.
"I vetmi ndryshim qe kërkojnë dhe presin Shqiptaret është largimi i Ramës.
“Rama Ik” është britma qe ushton kudo!
Sa më shpejt të ik aq me mire për shqiptarët po dhe për atë vetë.
Tanimë e ka “fituar” një faqe ne histori... do te kujtohet si njeriun qe beri spastrimin me te madh te shqiptareve nga vendi i tyre. Ëndrrat me ndryshime kushtetuese për të kthyer diktaturën do te kthehen ne makth dhe do ti rezervojnë atij fatin e çdo diktatori ne Europë", shkruan Paloka.