TIRANE-  Thirrja 'Rama ik' në stadiumin Air Albania në nisje të ndeshjes Shqipëri Francë, ka qenë një lëvizje e dirigjuar nga Forumi Rinor i Partisë Demokratike.  Të rinjtë që mbajnë në duar pankartat me gërmat që formonin thirrjen Rama Ik, janë nisur që nga selia e PD-së me misionin për ta inauguruar stadiumin e ri me sloganin e opozitës joarlamentare.

Ata kanë postuar edhe foto në rrjetet e tyre sociale duke pranuar se kjo ishte një vepër e tyre. Mësohet se ata janë: Darvin Zalla, Gentjan Gjonaj, Mariglend Doçi, Jetmir Premçi, Bledjan Leka, Hajredin Ismaili, Oligert Musta dhe Oleg Hanku. Thirrjet zgjatën për disa minuta në para nisjes së ndeshjes në stadiumin e ri kombëtar.

Gentjan Gjonaj është i njohur si një mbështetës i flaktë i opozitës. Ai u vu në hetim nga policia për protestën e dhunshme të opozitës të organizuar nga opozita para Kuvendit në shkurt të këtij viti.

Ai është shfaqur edhe në protesën e banorëve të Astirit, edhe pse ai nuk preket nga projekti i Unazës së Re, pasi nuk jeton fare në atë zonë. Ai u arrestua si një ndër presonat aktivë që dhunuan forcat e Policisë Bashkiake, në protestën e banorëve të Astirit, që ende vijon.

Pankarta 

\

Postimi i të rinjve për ngritjen e pankartës

Postimi i anëtarit të PD  Mariglend Doçi

Rendit zhvillimet sipas orarit:
Ora 20:26
'Tifozi' me pankartën 'Rama Ik' një prej aktivistëve më të flaktë të PD-së! Në çdo protestë që opozita i 'rrëmbeu' qytetarëve

Gentjan Gjonaj një prej të rinjve që ngritën pankartën 'Rama Ik' është një aktivist i flaktë i PD i cili merr pjesë në çdo tubim të shoqërisë civile, duke u prezantuar si mbështetës i tyre. Ai është i njohur si një mbështetës i flaktë i opozitës. Ai u vu në hetim nga policia për protestën e dhunshme të opozitës të organizuar nga opozita para Kuvendit në shkurt të këtij viti.

Ai është shfaqur edhe në protesën e banorëve të Astirit, edhe pse ai nuk preket nga projekti i Unazës së Re, pasi nuk jeton fare në atë zonë. Ai u arrestua si një ndër presonat aktivë që dhunuan forcat e Policisë Bashkiake, në protestën e banorëve të Astirit, që ende vijon.

Është arrestuar më herët nga policia për protesta të dhunshme, ku në vitin 2015, deputetët demokratë i dolën në mbështetje duke thënë se u prangos pasi ka bërë këngë kundër kryeministrit Edi Rama.

Gjonaj ka qenë i arrestuar edhe për dhunën në protestën e opozitës ndaj kantierit të ndërtimit të këndit të lojërave në Parkun e Madh të Liqenit në vitin 2016.

Po ashtu, është arrestuar dhe hetuar edhe për ngjarjet e dhunshme në një tjetër protestë të opozitës, ndaj bunkerit pranë Ministrisë së Brendshme.

Madje, ka qenë pjesëmarrës edhe në protestën kundër vendosjes së traut të taksës së Rrugën e Kombit apo edhe në bllokimin e rrugës në afërsi të Dajtit, të gjitha protesta të organizuara nga PD.