TIRANË- Një pallat në rrugën Ali Visha në zonën e tregut elektrik në kryeqytet është rrethuar pasditen e sotme me një shirit sigurie nga forcat e policisë. Kjo për shkak se pallati i çarë nga tërmeti rrezikon banorët që jetojnë në këtë pallat.
Gjithashtu forcat e policisë kanë ndaluar edhe kalimin e qytetarëve në këtë zonë për të shmangur ndonjë incident të mundshëm.
Tirana pak nga pak po i rikthehet normalitetit pas tërmetit të fuqishëm që preku jo vetëm kryeqytetin por gjithë Shqipërinë, ndërsa ka nisur puna për vlerësimin e dëmeve që ai la pas.
Tërmeti i magnitudës 5.8 me epiqendër në detin Adriatik dhe intensitet 7.5 ballë, 30 km në veri të Durrësit, u ndje në të gjithë qytetet e vendit.