Kreu i grupit të PD, Gazment Bardhi thotë se nuk do të ngujohen në Kuvend, kur u pyet nga gazetarja e Report Tv Danjela Maloku mbi skenarët e ditës së enjte, kur do të votohet për imunitetin e Belinda Ballukut. Gazment Bardhi, i cili është i përjashtuar nga punimet e Kuvendit me 10 ditë, thotë se bashkë me Klevis Balliun do të jenë në protestën para Kuvendit. Bardhi tha për Report Tv se vendimi për përjashtimin e tij ishte politik, me qëllim që të pengohej të merrte pjesë në senacën e 12 marsit dhe të lexonte raportin e opozitës përmes së cilit kërkohet arrestimi i Ballukut.