Vettingu politikanëve, Ina Zhupa zbardh detaje për Report Tv: Kush nuk justifikon pasurinë ose ka lidhje me krimin, t'i hiqet mandati ose e drejta për të rikandiduar

18 Tetor 2021, 20:40 | Përditesimi: 18 Tetor 2021, 20:40

TIRANË- Pasi kryedemokrati Lulzim Basha konfirmoi se do të propozojnë në Kuvend vetting për politikanët, deputetja PD-së, Ina Zhupa në Report Tv ka zbardhur detaje se çfarë do të përmbajë kjo kërkesë. Zhupa tha se vettingu ka për qëllim goditjen e politikanëve të cilët janë të lidhur me kriminelët dhe pastrojnë paratë ndërmjet tyre.

Pjesa më e rëndësishme e vettingut, Zhupa thotë se është futja e filtrit anti-mafia, që do të shërbejë për të konstatuar burimin e parave të politikanëve. Sipas Zhupës, në momentin që konfirmohet se politikani ka lidhje me krimin e organizuar ose pasuria e tij nuk justifikohet, atëherë t'i hiqet mandati dhe e drejta për të rikandiduar sërish.

KT/Shqiptarja.com