Banorë dhe të afërm në fshatin Graçan të Mallakastrës kanë komentuar ngjarjen e rëndë të ndodhur në SHBA, ku ish-bashkëshorti vrau 32-vjeçaren shqiptare, Suela Saliaj.

Ata thonë se lajmin e morën nga rrjetet sociale, ndërsa theksojnë se familja e vajzës kishte rreth 15 vite që ishte larguar në Amerikë.

Një prej fqinjëve madje thotë se ai e vrau gruan sepse donte të merrte vajzën. 

"Nëpërmjet vajzës sime. E kishte në instagram. Më tha gruaja kështu kështu. Djalë dhe vajzë. Të dy shkëlqyer, vajza punonte në bankë në Amerikë. Kishin dy fëmijë. Shkaku nuk dihet, ishin të ndarë ata faktikisht. Ata e përdorin femrën si plaçkë tregu, nuk është në të vërtetë kështu. Shumë vajzë e mirë, shumë e edukuar. Sipas të dhënave, donte që t’i merrte vajzën. Kështu i bie.”, tha fqinji.

“Ne e kemi patur gjitonë. U prish sistemi ikën. Ai Muka që jeton në Amerikë, babai i vajzës, ka punuar infermier. Mukë Saliaj ka punuar këtu në fshatin tonë infermier, pastaj shkoi në spitalin e Fierit. Kanë gati 15-20 vjet që janë larguar. Si familje kanë qenë të mirë”, tha një fqinj.

”I ati ka qenë infermier, ka punuar dy tre vjet në fshatin tonë, pas kësaj ka ikur në Fier ka punuar ën Fier, pasi punoi atje i doli llotaria në Amerikë, kanë gati 20 vitem 15-20 këtu vërtitet”, tha një tjetër.

“I vdiq e ëma, nuk erdhi, i vdiq i ati nuk erdhi”, shtoi ai.