ELBASAN- Autorët të veshur me të zeza, me maskë anti-COVID për të bërë të vështirë identifikimin e tyre dhe ruajta e "presë" në një makinë me xhama të zinj...gjithçka dukej e mirëmenduar në planin për të ekzekutuar 32-vjeçarin Albi Bashaliu në Peqin, mirëpo në zbatimin e saj, plani cedoi në momentin e fundit! Pasi qëlluan për vdekje të riun, makina e autorëve nuk iu ndez, kjo shpjegon edhe arsyen pse ato u larguan nga vendi i ngjarjes me makinën e viktimës. Autorët, ende të paidentifikuar, i morën çelësat e makinës viktimës në xhepa dhe më pas u larguan me shpejtësi nga vendi i ngjarjes. Ndërkohë, kjo makinë u gjet sot në Gosë të Kavajë, e pa djegur dhe brenda saj nuk është gjetur arma e krimit. Targat e mjetit te djegur në vendngjarje që i përket autorëve, rezultojnë të vjedhura në Tiranë.