SHKODËR- Maltin alias Anton Gjini, nga Lezha, është shpallur në kërkim nga policia, si autor i dyshuar i vrasjes së 44-vjeçarit Pjetër Gjoka (Kola), po nga Lezha. Ngjarja ndodhi në fshatin Kaftallë në Pukë, ku sipas burimeve për gazetarin e Report Tv, Ergys Kavaja, fillimisht viktima dhe autori kanë qenë duke diskutuar ndërmjet tyre, ndërsa debati ka përshkallëzuar në nxjerrjen e armëve. 36-vjeçari e ka qëlluar me plumb në bark Pjetër Gjokën, i cili fillimisht u dërgua në qendrën shëndetësore të Vaut të Dejës, e më pas në spitalin e Shkodrës, ku edhe ndërroi jetë si pasojë e plagëve të marra.