Në përfundim të mbledhjes me kryetaren e Kuvendit Lindita Nikolla, ambasadorja Yuri Kim tha se fokus i bisedës ishte theksimi i rëndësisë së ligjeve, mbajtjes së rregullave dhe forcimi i institucioneve demokratike.

“Është e rëndësishme që të angazhohemi në mënyra që theksojnë rëndësinë e ligjeve dhe mbajtjen e rregullave si dhe forcimin e institucioneve demokratike. Kjo është arsyeja pse ndodhesha këtu. Do vazhdojmë të takohemi me drejtuesit që janë të zgjedhur në mënyrë legjitime dhe kanë rol legjitim për të luajtur në luftën kundër korrupsionit”, tha Kim.