Pas 7 orësh, aksi Librazhd-Qafë Thanë është zhbllokuar në njërën korsi dhe ka rinisur qarkullimi i automjeteve. Në korsinë e dytë, hapja e rrugës ka ndodhur pjesërisht, por edhe aty ka nisur lëvizja. Që prej orës 11, lëvizja në të dy krahët e rrugës ishte ndalur për shkak të rrëshqitjes së një masivi dheu e gurësh në Kthesën e Dragostunjës. Rrëshqitja e dheut bllokoi automjetet dhe detyroi kalimin e një pacienteje përmes lumit me barelë.