'60% e popullatës mund të jetë imunizuar nga COVID, kjo është për shkak të vaksinimit masiv'. Kështu pohuan dy mjekët Skënder Brataj dhe Ilir Alimehmeti të ftuar në emisionin 'Repolitix' në Report Tv. Kreu i Urgjencës Mjekësore, Skënder Brataj tha se 80% e grupmoshës që ka rrezikshmërimë të lartë janë vaksinuar, gjë që ndihmon në imunizimin e popullatës.

 

Pas 32 ditësh në 24 orët e fundit është shënuar viktima e parë nga COVID në vendin tonë. Ministria e Shëndetësisë raporton se janë shënuar edhe 30 raste të reja me COVID.

Muaji gusht do të jetë muaj i hapur vaksinimi masiv për çdo qytetar mbi 18 vjeç. Lajmi bë me dije nga Ministrja e Shëndetësisë, Ogerta Manastirliu. Ndërkohë, 24% e popullsisë është vaksinuar deri më tani me të dyja doza e vaksinës kundër COVID.

Mjekët apelojnë që fëmijët dhe të moshuarit kryesisht të qëndrojnë brenda në vende të freskëta këto ditë kur temperaturat kanë qenë përvëluese duke shënuar deri në 43 gradë Celcius. Ata këshillojnë shmangien e aktivitete pasi rrezikojnë sëmundje kardiake.

Ministrja e Shëndetësisë dhe Mbrojtjes Sociale Ogerta Manastirliu ka inspektuar Shërbimin e ri të Hemodinamikes në Spitalin Memorial Fier, i cili bën pjesë në fazën e dytë të hapjes graduale të shërbimeve në këtë spital

TIRANË- Shefi i shërbimit të Mikrobilogjisë, Andi Koraqi ka hedhur poshtë mundësinë që të ketë një mbyllje totale të vendit, si në vjeshtë e kaluar për shkak të variantit të ri Delta, edhe pse shprehet i bindur se në shtator do të ketë një rritje drastike. Megjithatë, në studion e Report Tv në emisionin “5 pyetje nga Babaramo”, ai tha se rritja e rasteve nuk do të jetë në përmasa drastike. Kjo për shkak edhe të procesit të vaksinimit, që sipas Koraqit në vendin tonë ka ecur me ritme të mira.

“Është shumë i rëndësishëm niveli i vaksinimit dhe ne kemi ecur mirë dhe rritja nuk do jetë drastike që të kërkojë mbyllje totale të vendit. Dalja e varianteve të reja nuk e respekton më termin e imunitetit të tufës. Vaksinimi maviv na bën që të mos kemi raste të rënda dhe vdekje”, tha Koraqi.

Nga 1 qershori deri më 21 korrik në vendin tonë janë konfirmuar 21 raste me variantin Delta. Kështu deklaroi Kreu i Urgjencës Kombëtare Skënder Brataj në Report Tv.

“Nga 1 qershori deri në 11 korrik 21 raste rezultuan me virusin Delta nga ato që janë dërguar jashtë për konfirmim. 2 persona janë vaksinuar me kinezen, 2 me coronavac në Shqipëri dhe një me 1 dozë të Pfizer, i ka dhënë shenjat në ditët e para. Po të shohësh llojet e vaksinave të gjitha kanë pasur infektime, pra infektime të personave të vaksinuar me të gjitha llojet e vaksinave. 11 raste në vatra familjare, kavaja 2 raste, tirana 2 raste, kavaja 2 raste... 32% i rasteve janë qarkullimi brendshëm dhe si dihet zanafilla, pjesa tjetër qarkullim i jashtëm”, tha Brataj.

Ministrja e Shëndetësisë dhe Mbrojtjes Sociale, Ogerta Manastirliu ka inspektuar qendrën e plazhit të vjetër në Durrës, një nga 29 qendrat shëndetësore verore të hapura për pushuesit përgjatë zonave turistike.

“Nga 15 qershori deri më sot janë më shumë se 14 mijë vizita dhe shërbime që janë ofruar për pushuesit vendas dhe të huaj. Janë më shumë se 10 mijë pushuesit vendas që kanë marrë shërbime në këto qendra shëndetësore verore, ndërkohë që më shumë se 4 mijë janë pushues të huaj, turistë, të cilët kanë ardhur dhe kanë marrë shërbime falas në këto qendra”, bëri me dije Manastirliu.

 

Ministrja e Shëndetësisë Ogerta Manastirliu ka inspektuar një nga njësitë e lëvizshme të vaksinimit në Ndroq ndërsa vijon java e hapur për të gjithë qytetarët mbi 18 vjeç që duan të mbrohen nga COVID-19. Manastirliu bëri më dije se të hënën priten që të mbërrijnë 44 mijë doza vaksinash Pfizer duke bërë që numri i sasive të vaksinave në vend të rritet për të vijuar me javët e hapura të vaksinimit.

Emisioni Repolitix në pjesën e parë trajtoi rritjen e rasteve me Covid-19 në Shqiperi, virusi qarkullon por nuk vret më prej më shumë se 20 ditësh. Europa dhe SHBA në panik nga varianti Delta po në Shqipëri cila është situata përsa i përket variantit Delta? Të ftuar në studio Prof. Mira Rakacolli, kryetare e Komitetit teknik dhe Ilir Alimehmeti, epidemiolog. Në lidhje skype nga Madridi Prof.Kita Sallabanda dhe lidhje live nga lungo-mare e Vlorës gazetari Armand Xhelili. Në pjesën e dytë Repolitix trajtoi temën “merkato e ministrave”, kush ikën dhe kush vjen. Në studio gazetari Bledi Mane.

Duke folur për rrezikun e përhapjes të variantit Delta, Manastirliu tha se është një moment për ndërgjegjësim, pasi vaksinimi nuk është vetëm përgjegjësi e strukturave shëndetësore por edhe qytetarëve.

“Tashmë me alertin e variantit të ri Delta është një moment për ndërgjegjësim, ku secili prej nesh, edhe në aspektin e strukturave shëndetësore por edhe sa i përket qyetetarëve, duhet të ndërgjegjësohen, pikë së pari për të mbrojtur shëndetin e tyre, por nga ana tjetër, duke mbrojtur shëndetin e tyre, mbrojnë edhe shëndetin e familjarëve, miqve, të afërmve. Ndaj, vaksinim, vaksinimin, vaksinimin, sepse vetëm nëpërmjet vaksinimit ne do mundemi të luftojmë virusin dhe të nuk do lejojmë që ai të përhapet dhe sidomos variantet e reja, që është edhe varianti Delta në qarkullim që e ka rritur shumë transmetueshmërinë dhe ne po e shohim që edhe në vendin tonë, kemi një rritje të lehtë të rasteve. Dhe për të thënë të vërtetën jemi të shqetësuar sepse rritja e rasteve, më pas sjell edhe rritje të hospitalizimeve e dhe kjo do të thotë që ne duhet të rrisim shumë vaksinimin, në mënyrë që të shmangim çdo rritje të hospitalizimeve dhe sigurisht që atë që ne nuk e duam, që janë fatalitetet. Ndaj pa asnjë hezitim, ftoj dhe një herë të gjithë qytetarët të mos e lënë për nesër vaksinën, të mos neglizhojnë në kryerjen e vaksinës sepse është jetëshpëtuese dhe na mbron të gjithëve”, tha Manastirliu.

Prej fillimit të vaksinimit janë kryer në total 1.082.424 doza të vaksinës ndaj COVID-19. Prej tyre 472.886 qytetarë i kanë marrë të dyja dozat e vaksinës anti-COVID. Vaksinimi masiv vijon edhe nëpërmjet njësive të lëvizshme në komunitet, krahas vaksinimit në pikat e përqendruara të vaksinimit dhe në qendrat shëndetësore kudo në vend. Java e vaksinimit të hapur për qytetarët +18 vjeç vijon deri të dielën, nga ora 08:00 e mëngjesit deri në 8 të mbrëmjes, për të kryer pa kufizim vaksinën anti-COVID

Në sheshin ‘Skënderbej’, dhjetëra qytetarë, mes tyre edhe të rinjtë +18-vjeç, kanë shkuar për të marrë vaksinën anti-COVID. Mes frikës nga varianti Delta si edhe ajo se çfarë mund të ndodhë në vjeshtë, ku pritet një rritje të numrit të rasteve, qytetarët kanë zgjedhur që të vaksinohen si një formë për të mbrojtur shëndetin e tyre. Aktualisht në sheshin “Skënderbej” ofrohen vaksinat AstraZeneca dhe ajo kineze, ku sipas mjekes kjo e fundit është më e preferuar. Në intervistën për gazetaren e Report Tv, Doris Sallaku, mjekja tha se qytetarët kanë mundësi zgjedhjeje.

Ministrja e Shëndetësisë, Ogerta Manastirliu, nga stadiumi “Air Albania”, ku ka ndjekur procesin e vaksinimit, ka bërë me dije se, të hënën nis java e vaksinimit të hapur për të gjithë qytetarët mbi 18 vjeç, të cilët mund të paraqiten me kartën e identitetit në pikën më të afërt të vaksinimit.

Taksë për sheqerin dhe për kripën, kjo është zgjidhja që Britania e Madhe ka gjetur për të luftuar atë që quhet pandemia e dhjamit, obezitetin. Më ketë nismë duhet të frymëzohet edhe Shqipëria, pasi nga rreth 22 përqind e 3 milionë shqiptarëve sot janë obezë.

Report Tv ishte sot pranë familjeve në Bathore së bashku me njësitë e lëvizshme të vaksinimit, ku trokitën portë më portë për ti ofruar qytetarëve vaksinën anti-covid. Gazetarja Doris Sallaku ka përgatitur një material se si organizohet dhe realizohet ky proces i cili fillimisht ka nisur në Tiranë por që shpejt do të funksionojë në të gjithë vendin

Instituti i Shëndetit Publik është në monitorim të situatës epidemiologjke por ende nuk kanë evidenca zyrtare për praninë e varianti Delta në Shqipëri, ndonëse kanë dyshime të arsyeshme.

“Kemi dyshime të arsyeshme dhe prandaj po vazhdojmë po monitorojmë situatën, por evidenca nuk kemi akoma, zyrtarisht nuk kemi evidenca. Mendojmë të vijojmë me testime dhe monitorimin e situatës dhe epidmiologjike po ashtu dhe të laboratorit”-tha shefja e laboratorit të virologjisë në ISHP, Iris Hasibra.

Edhe pse deri tani nuk kemi konfirmim për prezencën e variantit Delta në Shqipëri, por infeksionisti Gent Stroni thotë për Report Tv se ky variant ka mbërritur. Sipas tij mjekët duhet të jenë vigjilentë pasi simptomat e këtij varianti ngjasojnë me ato të virozave të stinës

Ditën e sotme mbërrijnë në vendin tonë 18,720 doza te vaksinave Pfizer që do të shërbejnë për vijimin e vaksinimit masiv në të gjithë vendin. Gjithashtu në vend ka nisur dhe vaksinimi derë më derë ku njësitë e lëvizshme vaksinojnë qytetarët në shtëpitë e tyre. Ky vaksinim do të shtrihet me shtatë njësi lëvizëse në të gjithë territorin, duke rritur aksesin për qytetarët.

Në këto ditë të nxehta verë një prej shqetësimeve që kemi më shpesh është ruajtja e shëndetit të lëkurës. Rrezet e forta të diellit janë një bekim por në këto 2 muaj temperaturash 'afrikane' duhet të kemi kujdes edhe nga to. Në një intervistë për Report Tv, mjekja dermatologe Laura Ramollari ka cekur edhe një prej sikleteve më madhore, acarimin e nishanëve.

Është rritur ndjeshëm numri i vizitave për fëmijët tek mjeku pediatër për shkak të virozave. Shefja e Pediatrisë së Përgjithshme në QSUT, Numila Kuneshka thotë se fluksi është më i lartë në fundjavë ku numri i urgjencave shkon në 280 raste në 24 orë. “Në urgjencën e pediatrisë shihet një fluks i shtuar kryesish këto dy-tre muajt e fundit dhe kryesish në fundjavë ku numri shkon 260-280 paraqitje në 24 orë. Kështu që do ti bëja një apel prindërve që të mos jetë urgjenca e pediatrisë porta e parë e paraqitjes së fëmijëve por ti drejtohen poliklinikave të lagjeve të tyre përkatëse dhe qendrave që funksionojnë të hapura 24 orë për të marr shërbimin e parë. Kjo për të ulur fluksin e shtuar në urgjencë gjë që do të bëj një shërbim edhe më të mirë dhe më cilësor ndaj fëmijëve të tyre”-tha mjekja pediatre.

FIER- Pickimet nga merimangat dhe gjarpërinjtë po kthehen në një fenomen shqetësues në këto temperatura të larta. Mjeku intoksikolog, Lulëzim Banushaj foli për ‘Report Tv’ duke shpjeguar se në spitalin e Fierit janë paraqitur 10 raste nga pickimi i merimangës dhe 5 raste nga kafshimi i gjarprit dhe nëpërkës. Mjeku u shpreh se pacientët janë paraqitur në spital në gjendje shoku, pa puls, pa tension e me dhimbje të forta trupi.

Fatmirësisht, deri më tani mjeku tha se nuk ka pasur asnjë humbje jete, por vetëm raste shumë të rënda, të cilat kanë marrë ndihmën e nevojshme mjekësore nga bluzat e bardha të spitalit të Fierit. Ndërsa theksoi se spitali i Fierit e ka në dispozicion të gjithë kurën e nevojshme që përdoret në këto raste.

Ministrja e Shëndetësisë, Ogerta Manastirliu bën me dije se kemi sinjale që varianti Delta i COVID të ketë mbërritur në Shqipëri.

“Në Institutin e Shëndetit Publik janë duke u bërë analizat dhe është vlerësuar që një seri mostrash, të cilat janë identifikuar si sinjale të pazakonta, të çohen në Laboratorin e Referencës në Gjermani, për të bërë vlerësimet e mëtejshme dhe për t’u bërë sekuencimi genomik, në mënyrë që të shihet nëse ka një qarkullim të mundshëm të variantit Delta në Shqipëri”, bëri me dije Manastirliu.

Shenjat me të cilat mund të dalloni se keni variantin Delta, Alimehmeti tha se janë dhimbje koke, rrufë dhe grykë.

“Dhimbje koke, gryke dhe rrufë janë shenjat e deltë. Edhe sekrecione, temperatura janë shenja”, tha Alimehmeti.

 Ndërsa tha se Delta është i ngatërrueshëm me gripin e zakonshëm, theksoi se të vaksinuarit vetëm me një dozë dhe ata që e kanë kaluar natyrshëm COVID janë më të rrezikuar për t’u prekur.

“Varianti delta i ngatërrueshëm me gripin e zakonshëm. Është me i lehtë se covid. Ka vdekshmëri më të ulët. Situatën kyçe e kemi më shumë te rastet e rënda se rastet e lehta skanë nevojë për asgjë. Të vaksinuarit me një dozë vaksine të rrezikuar nga Delta. Edhe ata që e kanë kaluar natyrshëm covid. Ata që e kanë kaluar në mënyrë natyrore kanë të njëjtin rrezik infektimi si varianti tjetër, sikur të mos e kishin kaluar. Te të vaksinuarit, ajo që ndryshon është se vaksina duhet e plotë me Deltën, të dyja dozat. Por po shkuan te terapia intesive situata e Deltas është e njëjtë me COVID”.

Sipas Alimehmetit tashmë virusi duket se nuk ka më hapësirë për të krijuar variante të tjera superngjitëse.

“Ne sot nuk jemi më në mars 2020, sot nuk janë të gjitha shtetet  njësoj disa shtete kanë nivele më të larta mbrojtjeje se disa të tjera. Gjithë pesha është sipër vaksinave. Te ne ka dhe një terren që është imuniteti natyror, plus vaksinat që i shtohen këtij terreni. Ne paguam një faturë me infektime të larta. Virusi nuk duket se ka hapësirë akoma për të krijuar variante të tjera superngjitëse. Mutacionte janë të njëjtat që ndodhin në të gjitha shtetet e botës, nuk duket se ka shumë hapësirë për të shtyrë më tej për transmetueshmërinë”.

Duke nënvizuar se imuniteti natyror në Shqipëri është shumë i larta, Alimehmeti tha se duhet të presim një rritje rastesh në vjeshtë dhe dimër por që s’do të jetë një valë si ajo e vjeshtës e dimrit të kaluar.

“Imuniteti natyror në Shqipëri është i lartë ndryshe nga Anglia ku bëjnë këto lloj studimesh. Ne do presim një rritje rastesh në vjeshtë dhe dimër por që shumë zor pritet që kjo të jetë një valë si ajo  e vjeshtës dhe dimrit tjetër”.

Ndërkaq foli edhe për protestën e mjekëve që u zhvillua sot në shenjë revolte për arrestimin e 2 mjekëve të QSUT Serdi Memini, 34 vjeç, dhe Ervin Sulaj, 45 vjeç, të cilët akuzohen për korrupsion pasi dyshohet se kanë marrë ryshfet për operacionin e 17-vjeçarit Elmidin Dylit, që u plagos në masakrën e Velipojës.

“Terreni është Shqipëria dhe shqiptarët dhe këto fenomene ndodhin në realitetin tonë në fusha të ndryshme. Unë jam mbrojtës i shteitt të së drjetës, e drejta duhet të imple,mentohet nga A te ZH, edhe për atë që e thyen edhe për atë që dënon atë që e thyen. Rregullon dhe ndëshkuesin. E vetmja gjë që kam pikëpyetje është pse masa e arrestit me burg, pastaj dënimi pezullimi,. Kur spërbën rrezikshmëri hetohesh në shtëpi, kurse arrest me burg kur sdo vrasësh njeri më duket e pashpjegueshme. Arrest me burg me duket e pashpjegueshme. Do hetohen dhe ndëshkohen nëse ka arsye. Ndëshkimi sduhet të jetë mbi atë që parashikon e drjeta penale. Ekziston korrupsioni pasiv dhe aktiv. Sipas shkakut është dhe pasoja, por ndëshkimi smund të jetë 10-fish më i lartë”, nënvizoi epidemiologu.

26% e popullsisë në vendin tonë deri tani ka marrë dozën e parë të vaksinës anti-covid ndërsa në total janë kryer 1 milionë vaksinime. Menaxherja e programit kombëtar të vaksinimit, Erida Nelaj tha për Report Tv se për shkak të uljes së rasteve me COVID qytetarët po neglizhojnë vaksinimin

 

TIRANË- Temperaturat e larta që po përjeton vendi ynë që kanë arritur edhe deri në 40 gradë celcius, kanë anën e saj të mirë, i ulin rrezkshmërinë COVID-19. Në këtë prikë, ekpertët bien dakord dhe thonë njëzëri, se moti shumë i ngrohtë “na shpëton” edhe nga varianti i ri i COVID-it që po kërcënon botën, variantin indian, i njohur si Delta. Të ftuar në emisionin ‘Repolitix’ në Report Tv, kreu i Urgjencës, Skënder Brataj dhe epidemiologu Ilir Alimehmeti, kanë listuar arsyet përse në vendin tonë nuk janë evidentuar raste me këtë variant të ri. “Ne kemi një klimë që e kemi thënë se na ndihmojnë, me këto temperatura virusi kërkon të mbijetojnë e jo më të sulmojnë dhe sa më të shumë të zgjasin, aq më dëm i bëjnë virusit, është shqetësues dhe për OBSH dhe unë për vete kam frikë dhe nga kampionati Europian. Me vaksinimin ke garanci që nuk do humbasësh jetën, apo formën e rëndë në spital, pra vaksina këtë garanton. Rreziku nuk ka kufi për virusin”, tha nga ana tjetër, Brataj. Ajo që është shqetësuese me këtë variant të ri, është fakti se është shumë i vështirë për të bërë diferencën nga gripi i zakonshëm, pasi kanë pak a shumë të njëjtat simptomat. Epidemiologu Alimehmeti i rendit ato. “I ngjan shumë gripit dhe ta bën të vështirë ta ndash, dhimbje koke, gryke dhe rrufë, temperatura është ndër simptomat e katërta”, tha ai. Në të njëjtën linjë ka qenë dhe kreu i Urgjencës, Skënder Brataj, teksa ka sqaruar edhe një detaj sa i përket situatës së COVID në vendin tonë. Aryseja se përse ka kaq shumë teste, ndërkohë që ka një ulje të trasmetueshmërisë të këtij virusi është fakti se sot po kryen shumë tamponë me qëllim vërtetimi për udhëtimin jashtë vendit. “E vështirë të bësh dallimin, sidomos në këto ditë të nxehta nga ajri i kondicionuar, fakti që bëhen shumë teste dhe numrat janë të ulëta, na lë shumë të qetë. Testet janë dhe testet administrative, dhe ato që bëhen për personat pa simptoma, të gjitha raportohen”, tha Brataj. Varianti Delta i COVID-it është edhe një motiv se përse nuk ka një lehtësim të masave, siç është heqja totale e orës policore apo muzika në lokale. Këtu dy ekspertët janë të ndarë. “Jemi nisur nga fakti që është Delta virusi, është kollaj ta heqësh, por hajt ta vësh. Muzika është subjekt grumbullimi, dhe sa më shumë grumbullime të kesh aq më rast infektimesh do kesh”, tha Brataj. Megjithatë, Alimehmeti nuk ka qenë dakord. “Lëvizja e lirë në kushtet kur nuk ke ku shkon, çfarë zgjidh dhe në kushtet që kemi këtë mot që kemi, se me këtë vapë që jemi përdoren vetëm ambientet e jashtme, është një e drejtë themelore e njeriut, prandaj që para se të kufizojmë atë duhet të kuptojmë, muzika nuk është e drejtë themelore e njeriut, ne lejojmë shfaqjeje, koncerte, ç’mund të bëj një njeri natën i vetëm”, tha ai. Rikthimin në karantinë, si në momentin e pikat të virusit, ekspertët thanë se do të tregonte se procesi i vaksinimit ka dështuar, por nuk është Shqipëria rasti konkret. “Kush rikthehen në karantinë të plotë, ke dështuar në programin e vaksinimit, nuk ka një arsye të mesme”, përfundoi Alimehmeti në ‘Repolitix në Report Tv.

Duke filluar nga dita e sotme, qytetarët në Europë do të kenë mundësi të kalojnë kufirin nëpërmjet certifikatës COVID, pa qenë nevoja t'i nënshtrohen masave kufizuese.

Parlamenti i Bashkimit Evropian miratoi Certifikatën dixhitale Covid të BE në qershor, vendim që do të lejojë bllokun të rifillojë udhëtimin duke lejuar vendet anëtare të verifikojnë nëse udhëtarët janë vaksinuar, kanë testuar negativ për Covid-19, ose janë rikuperuar nga Covid -19.

 

 

Vaksinimi i moshave +18 vjeç ka vijuar edhe sot, në ditën e dytë me gjithë temperaturat e larta. Qytetarët janë paraqitur që në 8 të mëngjesit për të injektuar dozën e parë, ku kryesish u përdor ajo kineze, Coronavac.Qytetarët që u vaksinuan në sheshin “Skënderbej” thonë se mbrojta nga COVID është e rëndësishme ndaj po e ndërmarrin këtë hap. Duhet të vaksinohen të gjithë që të mbrohen dhe të mbrojnë njerëzit e tyre, gjithë familjen domethënë. Të jemi të ndërgjegjshëm dhe mos të kemi frik ndaj vaksinimit. Çfarë moshe keni? “35 vjeç. Mora vaksinën Coronavac.” Përse zgjodhët të vaksinoheni? “Që të mbroj shëndetin tim dhe të njerëzve që na rrethojnë. Jam 24 vjeç.” “Vaksinimi shumë mirë shkoi, s’ka asnjë problem, mora vaksinën e Sinovac. Për mendimi tim të gjithë duhet të vaksinohen sepse do të vij dimri dhe do përhapet prapë sëmundja dhe do i biem kokës me grushta përsëri.” Si shkoi vaksinimi? “Shumë mirë, arsyeja që u vaksinova është që të rrimë të qetë kaq, asgjë më shumë.” Mjekja Klaudia Moraku tregon se në Open Days fluksi ka qenë i madh, çka tregon se popullata do të vaksinohet. “Duke qenë se jemi në Open Days 29-30 qershor, ka qenë goxha i madh fluksi. Duan të vaksinohen, popullata do të vaksinohet. Rreth 100-120 veta bëhen sot vetëm në një tavolinë, në një vaksinatore. Moshat janë nga më të ndryshmet, pacientët që kanë ardhur sot mund të them që janë 18 vjeç, 19 vjeç, 20 vjeç të fakultetit në vit të parë, në vit të dytë. Shumë prej tyre përshembull duan të udhëtojnë, të shkojnë diku gjatë verës apo të bëjnë një trajnim, stazh siç e kanë ata në programin e tyre dhe normalisht duan të vaksinohen që të lëvizin më lirshëm. Një pjese e tyre punojnë në kompani të ndryshme që janë në kontakt me persona shumë. Një pjesë e tyre duan të shkojnë dhe me pushime që janë mosha e re që janë më aktiv mund të marrin disa ditë leje dhe duan të lëvizin”-tha mjekja Klaudia Moraku. Ministria e Shëndetësisë vendosi në dispozicion vetëm dy ditë për t’i ofruar mundësi qytetarëve mbi 18 vjeç për t’u vaksinuar. Në total janë lajmëruar mbi 26 mijë qytetarë që kishin aplikuar në portalin e-albania.

Ministrja e Shëndetësisë dhe Mbrojtjes Sociale Ogerta Manastirliu ka publikuar një video me dëshmitë e disa qytetarëve që kanë kryer vaksinimin antiCOVID në dy ditet e vaksinimit të hapur

Kombinimi i dy dozave të ndryshme të vaksinave kundër Covid-19 ofron mbrojtje më të mirë kundër pandemisë, thuhet në një studim në Mbretëri të Bashkuar. Studimi ka analizuar efikasitetin e marrjes së dy dozave të vaksinës së kompanive Pfizer/BioNTech, dy të AstraZenecas në të gjithë Britaninë.

Në një intervistë në emisionin “Rreze Dielli” nutricinistja Diola Dosti tregoi më tepër për alkalinën në organizëm. I rëndësishëm pasi sipas saj një trup që përmban alkalinë është një hap cdo sëmundje.

Nesër 29 qershor dhe me datë 30 qershor do të jetë një ditë e hapur për vaksinimin masiv anti-COVID. Çdo qytetar që ka mbushur moshën mbi 18-vjeç dhe se ka dëshirë të vaksinohet mund të paraqitet për t'u vaksinuar pranë qendrave të vaksinimit, nga ora 08:00-20:00. Report Tv mëson se nga pasditja e të shtunës dhe aktualisht (paraditja e datës 28 qershor) numërohen 4,124 aplikime të reja në shërbimin elektronik “Kërkesë për vaksinim Covid-19”, në e-Albania.

Gjithashtu janë njoftuar për të kryer vaksinën edhe rreth 19,200 qytetarë mbi 18 vjeç, që kishin aplikuar në e-Albania, por ishin të pa lajmëruar deri tani, për shkak se nuk përmbushnin kushtin e moshës, sipas fashave të përcaktuara nga komiteti teknik i ekspertëve, si kategori prioritare për t’u vaksinuar.

 

Temperaturat e larta që kanë përfshirë vendin tonë dhe rrezet e forta të diellit janë të dëmshme për sytë. Mjeku okulist Rubin Topi këshillon që të përdoren masa mbrojtëse.

“Sidomos këto ditë që po flasim kemi temperaturë esktremisht të lartë, automatikisht kjo influencon në tharjen e sipërfaqes së syrit. Kjo e dyfishon problemin tek personat që janë alergjik. Janë probleme të tilla për shembull me kondicionerëve, dhe kjo ndikon për keq në tharjen e sipërfaqes së syrit. Ka persona që nëse nuk përdorin masat mbrojtëse të duhura, syze dielli që patjetër duhet të jenë me filter mbrojtës kundra rrezeve UV. Pra jo syze dielli thjesht me xham të errët sepse ajo e kthen në të kundërt situatën, ndodh një lloj fenomeni paradoksal, madje është më mirë të rrish pa syze dielli fare se sa të kesh syze dielli që mos të jenë me xham origjinal me filtër mbrojtës ultraviolet”, u shpreh okulisti Rubin Topi.