10-vjetori i binjakëzimit mes Tiranës dhe Pekinit, Veliaj: Bashkëpunim intensiv në fushën e transportit, kulturës e turizmit

Në 10-vjetorin e binjakëzimit mes dy kryeqyteteve, Tirana dhe Pekini do të thellojnë bashkëpunimin në fushën e transportit, investimeve, kulturës dhe turizmit. Kryetari i Bashkisë së Tiranës, Erion Veliaj priti në një takim të veçantë një delegacion të lartë kinez, të kryesuar nga Nënkryetarja e Komitetit të Përhershëm të Kongresit Popullor të Bashkisë Pekin, Yan Aoshuang, në të cilin u ra dakord për forcimin e mëtejshëm të marrëdhënieve mes dy qyteteve në disa sektorë të rëndësishëm.

Kjo është një marrëdhënie që ka nisur 10 vite më parë, kur Edi Rama dhe kryetari i Bashkisë së Pekinit bënë binjakëzimin midis dy qyteteve. Ka qenë një marrëdhënie e shkëlqyer në këtë dekadë të parë dhe mezi presim të nisim një bashkëpunim edhe më intensiv me Pekinin në fushën e transportit, investimeve dhe në fushën e kulturës dhe turizmit, sepse i shohim si baza të një marrëdhënie të shëndoshë për ta çuar më tej binjakëzimin tonë.

Kryebashkiaku Erion Veliaj

Veliaj  në shenjë miqësie, i dorëzoi Nënkryetares së Komitetit të Përhershëm të Kongresit Popullor të Bashkisë Pekin, Yan Aoshuang, edhe “Çelësin e Qytetit”. Tirana është përzgjedhur si qyteti mikpritës i Forumit të Bashkëpunimi 16+1 në nivelin e kryetarëve të bashkive për vitin 2019, nismë e krijuar nga Kina, që synon të thellojë dhe zgjerojë bashkëpunimin ekonomik, tregtar dhe kulturor me 11 vende anëtare të Bashkimit Evropian dhe 5 vende të Ballkanit. Veliaj shprehu bindjen se ky Forum i nivelit të lartë do ta kthejë Tiranën në një epiqendër të marrëdhënieve të Europës me Kinën.

LEXO EDHE:
Protesta te bashkia ‘kuriozon’ turistët në Tiranë: Këtu s’ka shumë njerëz, në vendet tona dalin masivisht në rrugë

Një nga gjërat që dakordësuam sot është se Tirana është përzgjedhur si qyteti mikpritës i Forumit “Kina +16”, në nivelin e kryetarëve të bashkive për vitin 2019. Mund të themi se që sot, përveshëm mëngët për t’u përgatitur për të pritur në Tiranë delegacionin e qeverisë kineze dhe 16 kryetarët e bashkive të Europës Qëndrore dhe Lindore. Kjo do ta kthejë Tiranën në një epiqendër të marrëdhënieve të Europës me Kinën.

Kryebashkiaku Erion Veliaj

Gjatë kësaj vizite, kryetarja e delegacionit Yan, Aoshuang dhe kryebashkiaku i Tiranës vizituan edhe Parkun e Liqenit, ku u përuruan edhe “Bisedkat kineze”, një vepër që përcjell traditën kineze të ndërtimit në Shqipëri; kjo hapësirë do të shërbejë si një vend çlodhjeje, por edhe për biseda mes miqsh. Në mënyrë simbolike të miqësisë mes dy qyteteve, u mbollën edhe 24 bredha.
Yan Aoshuang, Nënkryetare e Komitetit të Përhershëm të Kongresit Popullor të Bashkisë Pekin (KPBP) vlerësoi mikpritjen e kryeqytetit shqiptar dhe theksoi se 24 fidanët e bredhit shenjojnë në mënyrë simbolike se miqësia mes Pekinit dhe Tiranës do të jetë gjithmonë e gjallë e plot vitalitet.

Jam shumë e lumtur, si kryetare e delegacionit të Bashkisë së Pekinit, që marr pjesë në këtë aktivitet. Kemi ardhur nga Pekini në Tiranë me rastin e 10-vjetorit të binjakëzimit mes dy qyteteve tona. Por, gjithashtu, kemi sjellë nga Pekini 24 bredha. E quajmë gjithashtu si ‘bima me gjelbërim të përhershëm’ dhe me këtë simbolizon edhe një marrëdhënie mes njerëzve, që duhet të ruajnë gjithmonë pranverën dhe energjinë. Duke sjellë këtë pemë në Tiranë duam të shprehim në mënyrë simbolike se miqësia mes Pekinit dhe Tiranës do të jetë gjithmonë e gjallë dhe plot vitalitet.

Yan Aoshuang

Kurse, kryebashkiaku Veliaj shtoi:

Kemi hapur një pavijon karakteristik tradicional kinez, për të gjithë ata që do ta shohin si një stoli, por edhe si një përkujtim të marrëdhënies së shkëlqyer që Tirana ka me Pekinin. Jam i bindur se kjo hapësirë do të kthehet shumë shpejt në një nga vendet më të vizituara nga qytetarët e Tiranës.

Kryebashkiaku Erion Veliaj

TAG:
• erion veliaj
• Yan Aoshuang
• delegacioni kinez

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.6%

• Keq

  61.6%

• Nuk e di

  13.8%

Vota total: 1251

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di