Darka e fshehtë Thaçi-Vuçiç në Paris, kryeministrja serbe jep përgjigjen e papritur

Kryeministrja e Serbisë, Ana Bërnabiç, ka folur për një darkë të fshehtë në mes të presidentit të Kosovës Hashim Thaçi dhe atij serb Aleksandar Vuciç. Kjo pasi, ish-ministri i Punëve të Jashtme i Serbisë, Vuk Jeremiç, tha se Thaçi-Vuçic janë takuar në Paris.

"Nuk jam zëdhënëse e Presidentit. Pyeteni kabinetin e tij" ka thënë Bërnabiç kur është pyetur rreth darkës së Thaçit me Vuçiç për të cilën Vuk Jeremic thotë se ka ndodhur në Paris, shkruan 'zeri'.

Bërnabiç ka kujtuar se në të kaluarën Jeremiq nuk ka pasur gjithmonë të drejtë. Nëpërmjet një "cicërime" në Twitter, Jeremiç tha se Thaçi e Vuçiç po takohen në Nju Jork, pas Parisit.

LEXO EDHE:
Shqipëria triumfon në Global CyberDrill 2024! Tre shqiptarët që fituan vendin e parë mes 113 shteteve pjesëmarrëse

"Pas një darke të fshehtë, të martën e kaluar, në Paris, Hashim Thaçi përsëri ndodhet në rrugë. Aktualisht është në Nju-Jork. Edhe një pyetje, Aleksandar Vuçiç: A jeni në të njëjtin hotel?", ka shkruar Jeremiç, në Twitter, të hënën.

Ndërkohë sot Thaçi ka takuar kryeministrin Ramush Haradinaj, sipas njoftimit nga Zyra e Presidentit.

d.c./shqiptarja.com

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  23.2%

• Keq

  63.1%

• Nuk e di

  13.7%

Vota total: 629

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di