Dialogu Kosovë-Serbi, Haradinaj propozon draft-marrëveshjen e parë gjithëpërfshirëse

Kryeministri i Kosovës, Ramush Haradinaj zhvilloi këtë të premte një takim me ambasadorët e vendeve të Quint-it, (Shtetet e Bashkuara, Britania, Gjermania, Italia dhe Franca) ku ka paraqitur për herë të parë një projekt marrëveshje Gjithëpërfshirëse, në lidhje me ecurinë e dialogut Prishtinë-Beograd.

Mësohet gjatë këtij takimi që ka patur me ambasadorët e Quiitit, Kreu i qeverisë së Kosovës,Haradinaj  ka prezantuar draft-dokumentin si një projekt mbështetës,që sipas tij i shërben procesit ekzistues të dialogut , ç'ka do ndihmojë për t’i hapur rrugë zgjidhjes përfundimtare të  mosmarrëveshjeve mes dy vëndeve.

 “Sot, përpara ambasadorëve të vendeve të Quint-it, kam paraqitur draftin e parë të Marrëveshjes Gjithëpërfshirëse Ligjërisht Obligative ndërmjet Republikës së Kosovës dhe Republikës së Serbisë. Ky draft-dokument është dokument mbështetës për procesin ekzistues të dialogut, si dhe aspektet që ndërlidhen me përshpejtimin e këtij procesi”, ka njoftuar Kryeministri i Kosovës në profilin e rrjetit social.

Gjithashtu, bëhet e ditur se draft-marrëveshja pritet të diskutohet gjatë ditëve në vijim, ndërsa i është dërguar të gjitha partive politike dhe institucioneve kryesore të Kosovës.

“Shefi i Dialogut Teknik, Avni Arifi, ka prezantuar kapitujt, që për ne do të përbëjnë parametrat kryesorë të marrëveshjes, e cila do t’i hapë rrugë normalizimit ndërmjet Kosovës dhe Serbisë. Draft-dokumenti me anekset përcjellëse, iu është dorëzuar edhe të gjithë bartësve të institucioneve dhe kryetarëve të të gjitha subjekteve politike. Në ditët dhe javët në vijim, ky draft-dokument do të diskutohet me të gjitha palët në shoqërinë tonë, për të arritur te dokumenti përfundimtar, ku do të përfshihet ekspertiza e të gjithëve, shkruan Kryeministri i Kosovës, Ramush Haradinaj në Facebook.

Kujtojmë që deri më tani dialogun me Serbinë e ka udhëhequr presidenti i Kosovës, Hashim Thaçi.

Postimi i bërë nga Ramush Haradinaj

TAG:
• Ramush Haradinaj
• dialogu kosove-serbi