Klubet votojnë për Ligën Profesioniste, ja kush do jetë presidenti i saj

Pas shumë përpjekjeve të shpërndara në vite klubet e Superligës kanë vendosur unanimisht për krijimin e Ligës Profesioniste. Kjo e fundit do të ketë ekskluzivitetin e organizmit të Superligës me qëllimin që të jetë e pavarur nga FSHF dhe të rrisë cilësinë e garës apo të sjellë maskimizimin e fitimeve. 

Të 10 klubet kanë vendosur sot që presidenti i Ligës Profesioniste të jetë Edvin Libohova, i cili aktualisht mban postin e zv/presidentit të FSHF-së dhe atë të një prej anëtarëve të Komitetit Ekzekutiv. Libohova nuk është thjesht një njohës i mirë i futbollit, por edhe një ekspert i ekonomisë dhe sistemit bankar, gjë e cila ia shton kreditet për detyrën që do të mbajë. Mbetet për t’u parë në ditët në vijim nëse Libohova do të japë dorëheqjen nga postet e tjera.

Hapi i parë i krijimit të Ligës Profesioniste është regjistrimi i saj në gjykatë, ndërsa pretendohet se sezonin e ardhshëm ajo do të jetë funksionale.

TAG:
• fshf
• Edvin Libohova
• Liga e profesionisteve