Nuk njohu atësinë e fëmijës, ish-vjehrri godet me sëpatë dhëndrin në Korçë (Detaje)

KORÇË- Një person ka plagosur me mjete të forta(sëpatë) ish-dhëndrin e tij mbrëmjen e sotme pas një konflikti  për motive të dobëta. Ngjarja ka ndodhur rreth orës 19:10, në fshatin Kamenicë-Korçë. Nga informacionet paraprake mësohet se Nizami Bezati rreth 54-vjeç, banues në fshatin Kamenicë ka goditur me sëpatë dhe ka plagosur Aleksandër Maksutin rreth 25-vjeç, banues në kamenicë, i cili është transportuar me urgjencë drejt Tiranës me helikopter, për shkak të gjendjes së rëndë shëndetësore. 

Ndërsa, autori i dyshuar i ngjarjes, 54-vjeçari ndodhet i shoqëruar në Komisariatin e Policisë Korçë, ku po kryhen veprimet e mëtejshme proceduriale dhe po punohet për zbardhjen e rrethanave të kësaj ngjarje.

LEXO EDHE:
Pogradec/ Kërkohej për plagosjen e shokut, kërcënon me armë punonjësit e Task Forcës që shkuan të verifikojnë ndihmat ekonomike

Burime të vendngjarjes bëjnë me dije se i plagosuri, Aleksandër Maksuti ka një vajzë të mitur me vajzën e autorit. Bezati dhe ish-dhëndri i tij kanë patur konflikte prej disa kohësh. I plagosuri bashkëjetonte me vajzën e autorit, ndërkohë që është paralajmëruar disa herë që mos afrohej te banesa e 54 vjeçarit. Shkak dyshohet se është bërë mosnjohja e atësisë së vajzës së mitur. Mesohet se Bezati e ka goditur me sëpate duke i shkaktuar plagë të rënda në kokë dhe qafë.

Kujtojmë që më 27 mars të vitit të kaluar, shtëpia e familjes Bezati u grabit, teksa po festonin fejesën e djalit të tyre. Në banesë ndodheshin 2 shokët e djalit, të cilët njoftuan kryefamiljarin për ngjarjen e ndodhur. Grabitësit arritën të merrnin një sasi të konsiderueshmë lekësh nën kërcënimin e armës.

Njoftimi i policisë:

Plagos me mjet të fortë ish-dhëndrrin e tij, pas një konflikti për motive të dobëta, shoqërohet në Komisariat.

Më datë 09.09.2018, rreth orës 19:10, në fshatin Kamenicë-Korçë, ka ndodhur një konflikt midis shtetasit Nizami Bezat, rreth 54 vjeç, banues në Kamenicë dhe ish-dhëndrrit të tij shtetasit S.M, rreth 25 vjeç, banues në Kamenicë.

Gjatë këtij konflikti të ndodhur për motive të dobëta, shtetasi Nizami Bezat, dyshohet se ka goditur me mjet të fortë dhe ka plagosur shtetasin S.M, i cili aktualisht ndodhet në Spitalin e Korçës në gjendje të rëndë shëndetësore. Autori i dyshuar i ngjarjes ndodhet i shoqëruar në Komisariatin e Policisë Korçë, ku po kryhen veprimet e mëtejshme proceduriale dhe po punohet për zbardhjen e rrethanave të kësaj ngjarje.

TAG:
• Korce
• konflikt
• plagosje
• Nizami Bezat
• Aleksandër Maksuti

Sondazhi i ditës:

A ka politika frikë nga SPAK-u?

• Po

  68.7%

• Jo

  26.4%

• Nuk e di

  5%

Vota total: 4185

• Sondazhi i ditës:

  A ka politika frikë nga SPAK-u?

  Po Jo Nuk e di