Provimi i tretë i Maturës/ 37 mijë nxënës u testuan në Matematikë: Koha e përgatitjes e shkurtër

Maturantët në të gjithë vendin zhvilluan sot provimin e tretë. Rreth 37 mijë nxënës u testuan në lëndën e Matematikës. Ky ishte provimi i tretë i Maturës Shtetërore, pasi më parë kanë dhënë dy provimet e tjera, Gjuhën e Huaj dhe Gjuhën Shqipe e Letërsinë.

Por, teksa maturantët ndodheshin në provim, një tezë qarkulloi në rrjetet sociale, e cila pretendohet se ishte teza e provimit të matematikës. Pas dy orësh, në përfundim, disa nga maturantët u shprehën se teza ishte e vështirë dhe nuk mjaftonte koha për t’u përgatitur.

Provimi ishte i lehtë për nivelin tim. Kishte 25 pyetje.

Maturant

Një javë nuk mjaftonte për t’u përgatitur

Maturant

Matematika ishte provimi i tretë, ndërsa i fundit është ai me zgjedhje në datë 20 qershor.  Maturantët thonë se sërish koha është shumë e shkurtër për t’u përgatitur.

Nuk kem kohë për t'u përgatitur për provimet me zgjedhje

Maturant

Për të siguruar mbarëvajtjen e provimit në 206 shkolla të mesme në të gjithë vendin ishin vendosur në gatishmëri 560 efektivë të Policisë së Shtetit.

FOTO/ Provimet e maturës, disa nxënës dalin me buzëqeshje e disa të tjerë të përlotur nga provimi i matematikës

d.ba./al.sp.
Komento