MAS: Prokuroria të hetojë kush i nxorri testet e Maturës

MAS: Prokuroria të hetojë kush i nxorri testet e Maturës

Maturantët në provim

Sot maturantët në të gjithë vendin testuan njohuritë e tyre në lëndën e Matematikës. Por gjatë kohës që maturantët ishin në provim, në rrjetet sociale qarkulloi një tezë, për të cilën Ministria e Arsimit deklaroi se prokuroria duhet të hetojë shkelësit e ligjit.

Kështu Ministria e Arsimit, Sportit dhe Rinisë informuar nga rrjetet sociale dhe mediet on-line lidhur me publikimin e disa fotove nga Testi i Matematikes që u zhvillua në të gjithë vendin nga ora 10:00 -12:30, në një njoftim për mediet ka theksuar se janë marrë të gjitha masat e nevojshme që testimi të zhvillohej brenda rregullores që ka hartuar Ministria e Arsimit.

Po ashtu MASR garanton publikun se ka marrë çdo masë që parashikon ligji për të garantuar fshehtësinë dhe integritetin e testeve të maturës në fazën e hartimit dhe shpërndarjes ne 38 DAR dhe ZA, 206 mjediset ku zhvillohet provimi për 37 mijë maturantë, të cilët mbikëqyren nga rreth 4300 administratorë dhe monitorues.

Ministria e Arsimit, Rinisë dhe Sporteve e konsideron shkelje te rendë të ligjit Nr.69/2012 “Për sistemin arsimor parauniversitar në RSH” dhe të akteve nënligjore, kopjimin e plotë apo te pjesshëm si dhe shpërndarjen dhe publikimin e testit.
 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Atentat në Memaliaj, avokati Andrea Zotaj i shpëton breshërisë së kallashnikovit

Atentat në Memaliaj, avokati Andrea Zotaj i shpëton breshërisë së kallashnikovit