‘S'pranoi të ktheheshim bashkë’, Pjetër Ndrecaj rrëfehet pasi vrau gruan dhe të bijën 9-vjeçare

Autori i vrasjes së dyfishtë në Gjakovë ka rrëfyer sot motivet që e shtynë të kryente veprën kriminale. Pjetër Ndrecaj është shprehur se i vjen shumë keq për ngjarjen ku gruaja e tij Valbona Ndrecaj dhe vajza e saj 9-vjeçare mbetën të vrara.

Lajmi.net shkruan se deklarata e Ndrecajt është bërë në seancën gjyqësore e cila është mbajtur në repartin e psikiatrisë ku prokuroria ka kërkuar caktimin e paraburgimit. Gjykata ka marrë vendim që Ndrecaj do qëndrojë në paraburgim  për një muaj me vendim të gjykatësit, Shaqir Zika.

Mbrojtësja e të dyshuarit, avokatja Fehmije Zhubi, ka deklaruar se kërkesa për caktimin e paraburgimit është e ashpër dhe se prokurori nuk e ka arsyetuar mirë dyshimin dhe se nuk janë plotësuar kushtet ligjore sepse i mbrojturi i saj nuk ka pasur për qëllim t’i privojë nga jeta të ndjerat.

LEXO EDHE:
'Sa vjeç ishe ti në '96 kur na gjakoste Saliu?' Beqiri debaton me Sefën: Firmat piramidale i bënë ish-sigurimsat

Në seancë sipas vendimit  shkruhet se kanë qenë prezent, gjyqtari Shaqir Zika, prokurori i shtetit Agron Matjani, i pandehuri Pjetër Nrecaj me mbrojtësen e tij, Fehmije Zhubi si dhe psikiatri Dr.Zef Komani.

Në fjalën e tij para gjykatës, prokurori i shtetit Agron Matjani, i cili ka lexuar kërkesën e prokurorit Ali Uka, ka ngritur pretendimin se Pjetër Nrecaj e ka kryer me dashje vrasjen e gruas dhe vajzës së tij 9 vjeçare.

Në pretendimet e tij, prokurori ka përmendur se qëllimi i të pandehurit ishte që ta bindë të ndjerën që të kthehet dhe të jetojë me të  por kur ajo ka refuzuar i pandehuri e ka kryer aktin.

“Në ditën kritike i pandehuri shkon tek shtëpia e vëllezërve të së ndjerës Valbona për ta bindur për të bashkëjetuar dhe duke qenë se e ndjera Valbona nuk ka dashur të shkon në shtëpinë e bashkëshortit të saj i pandehuri me armën AK-47 shtënë disa herë në drejtim të gruas dhe vajzës duke i privuar nga jeta,”- thuhet në kërkesën e prokurorit.

I njëjti ka sqaruar se i dyshuari ishte larguar nga vendi i ngjarjes për tu dorëzuar më pas në polici. Krimi i dyfishtë në Gjakovë tronditi gjithë opinionin publik në Kosovë. Mbrëmjen e 7 gushtit Pjetër Ndrecaj vrau me armë zjarri ish-gruan e tij, Valbonën dhe të bijën e tij 9-vjeçare.

Pjetër Ndrecaj me gruan dhe 5 fëmijët e tij 

TAG:
• rrefimi i pjeter ndrecajt
• pjeter ndrecaj tregon pse vrau gruan dhe vajzen

Sondazhi i ditës:

Propozimi i PS, a na duhet një reformë e re anti-korrupsion?

• Po

  68.2%

• Jo

  24.5%

• Nuk e di

  7.4%

Vota total: 2267

• Sondazhi i ditës:

  Propozimi i PS, a na duhet një reformë e re anti-korrupsion?

  Po Jo Nuk e di