Me maska dhe armë, grabiten 7.5 mln lekë të reja nga makina transportonte paratë e patentave në Shkozet (VIDEO)

DURRËS- Tre persona të armatosur dhe të maskuar kanë grabitur rreth 7.5 milionë lekë të reja nga një makinë e cila po transportonte paratë e Drejtorisë së Patentave.

Grabitja ka ndodhur rreth orës 16:50 në zonën e Shkozetit, 100 m para mbikalimit të Unazës së plazhit. Autorët kanë shfrytëzuar kohën e keqe me shi në një moment kur nuk ka pasur qarkullim rrugor të dendur dhe i kanë ngritur pritë makinës për t'i grabitur paratë.

Makina e blinduar e një firme private sigurimi po trasportonte paratë e Ndërmarrjes së Drejtorisë Rajonale të Transportit Durrës në një bankë të nivelit të dytë.

Ndërkohë policia ka rënë në gjurmë të grabitësve dhe po punon për kapjen e tyre.

NJOFTIMI I PLOTË I POLICISË:

Durrës

Informacion paraprak

Sot rreth orës 16 :50, në lagjen nr.14 Shkozet, dyshohet se 3 persona me një mjet, nën kërcënimin e armës dhe të maskuar i kanë dalë përpara një mjeti (shoqëri private sigurimi) që po trasportonte lekët e Ndërmarrjes së Drejtorisë Rajonale të Transportit Durrës në një bankë të nivelit të dytë dhe i kanë marrë një shumë parash.

Efektivet e Policisë po punojnë për kapjen e autorëve të dyshuar dhe zbardhjen e plotë të rrethanave të ngjarjes.

Nuk jepen të dhëna të tjera për arsye hetimi.

Rendit zhvillimet sipas orarit:
Ora 18:22
Foto nga vendi ku u grabitën 7.5 mln lekë të reja nga makina transportonte paratë e patentave
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nasi: 14/12/2018 17:59

    Policia e dr nw lartwsin e duhur

    Përgjigju
    • sebastian: 14/12/2018 18:20

      mos u merzisni brenda javes autoret do kapen e do dalin para drejtesis policia durresit eshte shume e specializuar ka element mjafte te mire

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD