Pas një vere dinamike plot dhurata, surpriza, muzikë dhe argëtim pafund me “ALBtelecom të do” në të gjithë Shqipërinë, dhe super Porsche-it të kuq që rrëmbeu zemrat e shumë shqiptarëve, por lumturoi vetëm njërin prej tyre, "ALBtelecom" ka rezervuar një tjetër surprizë të madhe për përdoruesit e tij: Një Super Apartament në Tirana Ring Center.
 
Vetëm një rimbushje prej 1000 lekësh mund t’ju bëjë fitues të këtij super-apartamenti në qendër të kryeqytetit. Tiktaku i datës 15 Shtator po troket. Vetëm pak ditë na ndajnë nga ai çast që mund t’ju ndryshojë jetën.
 
“Fati mund të trokasë në çdo moment, mjafton t’i hapësh derën”. Kështu shprehet z. Biduli, abonenti besnik i "Eagle Mobile" prej vitesh, i cili u shpërblye me një super Porsche Boxter cabriolet vetëm pak ditë më parë.
 
Në një bisedë miqësore që zhvilluam me të, kryefamiljari i familjes Biduli, Kujtimi, bashkë me djalin e mbesat e tij, ndanë me ne emocionet dhe entuziazmin e tyre për këtë surprizë të mrekullueshme, dhuruar nga "ALBtelecom".
 
Familja Biduli, e sapokthyer nga pushimet, nuk i kishte kushtuar vëmendje hedhjes se shorteut për Porsche-in në TV, më datë 31 gusht. Prandaj dhe telefonata me lajmin “Ju jeni abonenti më me fat, sepse keni fituar Porsche-in nga ALBtelecom” ishte një surprizë e dyfishtë për ta.
 
“Nuk mund ta besonim dot çfarë dhurate na dha Zoti”, shprehet Gëzimi, djali i Kujtimit.
 
Klaudia, mbesa e madhe, e cila ishte e para që priti këtë telefonatë, na rrëfen detajet e emocioneve që përjetuan pas marrjes së lajmit: “Ishim duke ngrënë darkë kur bie telefoni e na japin lajmin që kishim fituar Porsche-in. Ishte e pabesueshme; një gëzim shumë i madh! E lamë darkën e vrapuam të gjithë për te gjyshi Kujtimi për t’i dhënë lajmin. E kemi gdhirë deri në 5 të mëngjesit dhe akoma na duket e pabesueshme!”.
 
Kujtimi thotë se të gjithë në familjen e tij janë përdorues besnikë të "Eagle Mobile" prej vitesh dhe si me shaka na thotë se ka shpresa edhe për apartamentin.
 
“Unë gjithmonë bëj rimbushje; po kështu edhe familjarët e mi. Madje vëllai im dje shkoi të blinte një numër tjetër "Eagle" e të bënte sërish ofertën për apartamentin. ‘Do zoti më bie mua apartamenti’, tha. :) Ky është fat e nuk i dihet. Duhet provuar vazhdimisht.”
 
Ëndrra e familjes Biduli u bë realitet vetëm me një rimbushje prej 500 lekësh. Djali i madh, Gëzimi, do të jetë përdoruesi i super makinës së tretë, dhuruar nga "ALBtelecom".
 
Ndërkohë që kjo familje i gëzohet tashmë super Porsche-it të tyre, një tjetër fatlum pritet të shpallet më datë 15 shtator, fituesi i Super Apartamentit në qendër të Tiranës.
 
Vazhdoni të qëndroni me "ALBtelecom" për më shumë surpriza e dhurata që do t’ju ndryshojnë jetën. Sepse "ALBtelecom të do!"
makina e albtelecom
makina e albtelecom
(Në foto/Familja e Gezim Biduli, fituesit të makinës)
 
Redaksia Online
(Shqiptarja.com)