Bota

Mbyllen qendrat e votimit në zgjedhjet hungareze, në të cilat kryeministri nacionalist pro-Putin, Viktor Orban kërkon një mandat të katërt radhazi. Opozita hungareze është bashkuar në një koalicion dhe synon që ta largojë nga pushteti Orbanin dhe partinë e tij Fidesz. Sondazhet thonë se Fidesz dhe partnerët e tij kanë një epërsi të ngushtë ndaj gjashtë partive opozitare që janë bërë bashkë.

Kryeministri i Pakistanit, Imran Khan, i cili arriti të mbajë pushtetin pasi një mocion mosbesimi kundër tij u refuzua të dielën, pretendoi se zyrtari amerikan Donald Lu ishte përfshirë në një komplot për të rrëzuar qeverinë e tij.