Bota

Në Danimarkë një bunker i ndërtuar në kulmin e Luftës së Ftohtë për t’i rezistuar një konflikti të mundshëm bërthamor dhe i mbajtur sekret për më shumë se 50 vjet, është hapur për vizitorët. Bunkeri tepër sekret, “Regan Vest”, 60 metra nën sipërfaqen shkëmbore të një kodre do të shërbente si strehë për mbretëreshën e Danimarkës dhe krerët e qeverisë, në rast konflikti bërthamor.

Franca nuk po gjen qetësi nga protestat. Në të gjitha qytetet franceze është protestuar kundër projekt-ligjit që synon të rrisë moshën e daljes në pension nga 62 në 64 vjeç. Në Paris rrugët janë të mbushura me plehra.

Një 23-vjeçar është arrestuar nga policia italiane në Bologna pasi u kap me kokainë. Pasditen e djeshme, po udhëtonte automjetin tip Nissan Pixo kur policët urhdëruan ndalimin e shqiptarit që s’kishte as leje drejtimi apo dokumente të tjera identifikimi.

Kryeministri izraelit, Benjamin Netanyahu, ka thënë të dielën se dhuna dhe anarkia nuk do të tolerohen në shtetin që udhëheq ai. Netanyahu i ka bërë këto deklarata teksa vazhdojnë protestat masive – të cilat kanë hyrë në javën e 11-të - kundër reformave kontroverse të Qeverisë së tij.

Një 15-vjeçar shqiptar, Florjan Dibra i ka bërë thirrje bashkëmoshatarëve të tij që të mos emigrojnë drejt Britanisë. I veshur me bluzën e zezë që shkruan ‘Para’, i riu që qëndronte në Tiranë zgjodhi që të udhëtonte ilegalisht drejt Britanisë me gomone për një jetë më të mirë.

Koreja Veriore ka lëshuar një raketë balistike me rreze të shkurtër në ujërat lindorë të Gadishullit Korean të dielën, sipas Koresë Jugore dhe Japonisë.

Një ekspert sigurie i ka thënë Daily Mail se bandat po përdorin disa biznese për të fshehur të ardhurat e krimit dhe se shumë prej tyre mund të jenë një bazë për trafikun e qenieve njerëzore dhe skllavërinë. Shpërthimi i dyqaneve të berberëve në Londër dhe qytete të tjera të mëdha në Mbretërinë e Bashkuar ka bërë që ekspertët të bëjnë thirrje për një hetim.

Një projekt kriminal , i cili mori formë majin e kaluar, disa javë pas pushtimit të Ukrainës, me nënshkrimin e Putinit në dekretin që parashikon procedura të thjeshtuara për njohjen urgjente të shtetësisë ruse për të miturit që u rrëmbyen familjeve të tyre pas pushtimit.

Sekretarja e Brendshme në Britani Suela Braverman ka nënshkruar një përditësim të marrëveshjes së qeverisë për emigrantët me Ruandën, duke e zgjeruar fushëveprimin e saj për "të gjitha kategoritë e njerëzve që kalojnë nëpër vende të sigurta dhe bëjnë udhëtime të paligjshme dhe të rrezikshme për në Mbretërinë e Bashkuar".

Tetë sinjale radio misterioze janë zbuluar gjatë vëzhgimit të 820 yjeve, në një pjesë të hapësirës midis 30 dhe 90 vite dritë larg. Ka ndodhur disa herë që astronomët të kenë hasur në sinjale radio që vërtet dukej se prodhoheshin nga alienë inteligjentë.

Presidenti rus Vladimir Putin ka vizituar qytetin e Mariupolit, një qytet ukrainas në rajonin e Donetskut, i cili është pushtuar nga forcat e Moskës që nga maji i vitit të kaluar. Putin fluturoi për në Mariupol me helikopter dhe udhëtoi nëpër disa rrethe të qytetit, duke bërë ndalesa dhe duke biseduar me banorët, njoftoi agjencia TASS të dielën, duke cituar Kremlinin.