Bota

SHBA dhe Britania e Madhe kanë vendosur sot të ndalojnë importin e naftës ruse. Presidenti Amerikan, Joe Biden ka konfirmuar ndalim të plotë për importet ruse të naftës, gazit dhe qymyrit. Nga ana tjetër, kryeministri britanik, Boris Johnson tha se Qeveria e Mbretërisë së Bashkuar do të heqë gradualisht naftën dhe produktet e naftës ruse deri në fund të vitit 2022.  Rusia lejon 5 korridore humanitare.

Bashkimi Europian është në prag të një krize në rritje të gazit, e rënduar së tepërmi nga varësia prej Rusisë. Kjo situatë pritet të paralajmërohet publikisht nga Brukseli teksa Unioni po përpiqet të nxisë kursimin e energjisë dhe orientimin drejt energjisë së rinovueshme.

Mbretëresha Elizabeth II duket se është rikuperuar plotësisht nga COVID-19, teksa i është rikthyer edhe detyrave të saj.

Gjykata Ndërkombëtare e Drejtësisë ka filluar seancën dëgjimore ku Ukraina paraqet argumentat e saj verbale kundër Rusisë. Ukraina i ka kërkuar gjykatës të marrë masa paraprake duke e urdhëruar Rusinë të ndalë të gjitha operacionet ushtarake në këtë vend. Rusia ka vendosur të mos përfaqësohet me juristët e saj në këtë seancë të gjykatës më të lartë të Kombeve të Bashkuara.

Vajza e Vladimir Putin, 18-vjeçarja Luiza Rozova, një studente në Shën Petersburg, ka mbyllur llogaritë e saj në rrjetet sociale. Sipas Daily Mail, 18-vjeçarja ka mbyllur llogaritë për shkak të mesazheve të shumta urrejtje që ka marrë, pasi Rusia pushtoi Ukrainën.

Konsullata e nderit e Shqipërisë në qytetin e Kharkivit në Ukrainë  është dëmtuar nga sulmet ajrore ruse. Denoncimin e ka bërë Ministria jonë e Jashtme. Ministria nuk tha nëse ka pasur viktima apo të plagosur si rezultat i prishjes së ndërtesës, por ka dhënë pamje nga vendi i ngjarjes.

Çmimi i gazit në Europë u rrit në nivel rekord gjatë kësaj të hëne.