Bota

Biden theksoi se Putin do ta paguajë shtrenjt, ndërsa e akuzoi atë si fajtorin e vetëm për sulmet në Ukrainë. Sakaq, Presidenti i SHBA, deklaroi se avionët rusë nuk do të lejohen në hapësirën ajrore amerikane, për të dëmtua rnë këtë më myrë më shumë ekonominë e Rusisë dhe për ta izoluar atë.

Zëvendëskryeministri i Ukrainës Mykhailo Fedorov, i cili është gjithashtu ministër i transformimit dixhital të vendit, kërkoi përmes Twitter-it që platformat e kriptomonedhave të bllokojnë llogaritë ruse, një kërkesë që thuhet se po shqyrtohet nga autoritetet amerikane.

Bisedimet për negociata mes Ukrainës dhe Rusisë janë shtyrë për ditën e nesërme. Në natën e 7-të të luftës, ne Kiev ka pasur shpërthime të tjera nga raketat ruse, ku një prej tyre ka ndodhur pranë stacionit hekurudhor, ndërsa ushtria dhe vullnetarët ukrainas janë duke u përgatitur për të pritur ushtrinë ruse.

Konflikti në Ukrainë, pandemia dhe, si gjithmonë, ekonomia ka të ngjarë të dominojnë fjalimin e parë të Presidentit Joe Biden mbi gjendjen në vend që do ta mbajë sonte në një seancë të përbashkët të të dyja dhomave të Kongresit. Ky fjalim i zakonshëm presidencial vjen në një kohë të pazakontë në histori, thonë analistët.