Politikë

Deputeti i Partisë Socialiste, Pandeli Majko ka reaguar mëngjesin e sotëm për denoncimin e bërë nga Miftar Dauti, kandidati i koalicionit Meta-Berisha në Has, i cili akuzonte kandidatin e PS se po përpiqej të blinte votat në qytet duke shpërndarë pako ushqimore.

Kryebashkiakja e Durrësit, Emirajna Sako është e ftuara e radhës në podcastin e Kryeministrit Rama. Ky i fundit ka publikuar një pjesë të shkurtër nga podcasti që do të transmetohet të shtunën. Sako do të flasë për punën e saj në krye të bashkisë së Durrësit, por pa lënë pas edhe detaje nga jeta e saj familjare.

Nëse zgjedhjet do të mbaheshin sot, kryebashkiakët e PS në Tiranë, Elbasan e Lezhë do të rizgjidheshin në krye të bashkive. Sipas sondazhit të radhës të Institutit Piepoli dhe Report Tv, Erion Veliaj thellon fitoren ndaj kandidatëve të opozitës, ndërsa Belind Këlliçi shënon rënie. Epërsi PS ka në këto bashki edhe si forcë politike, duke u renditur e para, pasuar nga koalicioni “Bashkë Fitojmë” ndërsa PD renditet e treta.

Mirela Karabina, anëtare e Këshillit Kombëtar në PD, thotë se mos vendosja e emrit të Partisë së Lirisë në fletën e votimit është në shkelje të ligjit. Sipas Karabinës kjo gjë do të krijojë konfuzion tek votuesit.

Evi Kokalari, e cila ka qenë një ndër mbështetëset më të mëdha të Sali Berishës, tashmë është kthyer një ndër kritiket kryesore. Kokalari është treguar kritike edhe pas çeljes së fushatës së 14 majit në stadiumin ‘Air Albania’. 

Përmes një videomesazhi, Dario Nardella, Kryetar i Bashkise së Firences dhe President i EuroCities (Unioni i Bashkive të Europës) shprehu publikisht mbështetjen për kandidimin e Erion Veliajt për Bashkinë e Tiranës më 14 maj.

Në Ditën Ndërkombëtare për Monumentet dhe Sitet Arkeologjike, Zonja e Parë Armanda Begaj, ishte në Berat për të vizituar së bashku me një grup nxënësish të këtij qyteti Muzeun Kombëtar Ikonografik “Onufri”, si dhe muzeun dedikuar shpëtimit të hebrenjve “Solomoni”.