Politikë

Nga

Esiona Konomi

Rinumërimi i kutive të para në Tiranë tregoi gabime të vogla, si në votat për partitë ashtu edhe për kandidatët. U hapën 85 kuti në Kamëz, por diferencat janë të papërfillshme dhe nuk ndikojnë në mandate. “Mundësia” humbet mandatin e dytë nëse ka 177 vota më pak. PD e fiton mandatin e 14 nëse ka 1234 vota më shumë.

Aktivistja Kokalari ka reaguar duke thënë se Mediu i përdor të gjithë zyrtarët që del në foto në SHBA për të shmangur gjyqin që ka për Gërdecin në Shqipëri. Nga ana tjetër ajo tregon se ka shkëmbyer mesazhe me Prokurorin e SHBA-së Aaron Reitz, ku i ka thënë se kush është Mediu dhe çfarë problemesh ka ai me drejtësinë në Shqipëri. 

Ministri i Shtetit për Pushtetin Vendor, Arbjan Mazniku tha se problematikat nga rinumërimi në Elbasan kanë qenë të vogla dhe nuk ndikojnë në rezultatin e zgjedhjeve. Ai tha se rinumërimi i votave po përdoret si alibi nga PD për humbjet që mori në zgjedhjet e 11 majit.

Juristi Romeo Kara deklaroi se rinumërimi i votave është një shashkë e PD-së për të justifikuar humbjen, pasi diferencat janë të vogla dhe pa ndikim në rezultat. Ai parashikon nisjen e përplasjeve të brendshme në PD, duke përmendur edhe debatin mes Nokës dhe Vokshit si shenjë të humbjes së kontrollit nga Berisha.

Ministri i Drejtësisë, Ulsi Manja, priti Presidentin e Eurojust, Michael Schmid, ku u vlerësua bashkëpunimi i ngushtë dhe efikas mes Shqipërisë dhe këtij institucioni europian. Në qendër të takimit ishin Skuadrat e Përbashkëta Hetimore dhe përkushtimi i Shqipërisë për një drejtësi të besueshme dhe europiane.

Përmes një postimi në rrjetet sociale, ministri i Shtetit, Taulant Balla, ndau me ndjekësit e tij edhe një mesazh që Endrit Thaçi i kishte sjellë nga Haga, prej babait të tij, Hashim Thaçi, bashkë me urimet për fitoren e zgjedhjeve të 11 majit

Kandidatja demokrate në qarkun Durrës, Ilirjana Kuçana, tha gjatë intervistës sot në “Studio Live” se beteja e saj për transparencën e votës do shkojë deri në fund, me ankimime deri në Kushtetuese dhe Strasburg. E bindur se pati devijim te kandidatë të tjerë. Kërkon edhe analizën e thellë dhe reflektimin në parti, me përgjegjësi për gjithsecilin, përveç kryetarit Berisha

Një video është publikuar së fundmi në rrjetet sociale, ku ish-drejtuesja e Partisë së Lirisë shfaqet duke diskutuar për skenën e radhës së filmit, që ende nuk ka një datë se kur do të shfaqet për publikun e gjerë

Në një deklaratë për mediat, sekretarja e Përgjithshme e Partisë së Lirisë, Brunilda Haxhiu tha se Shqipëria është vendi më i varfër në rajon, ndwrsa familjet shqiptare përballen me vështirësi të mëdha ekonomike. 

Numri dy i PL e cilësoi drejtësinë të kapur nga qeveria dhe mazhoranca, teksa ngriti edhe shqetësimin e moszbatimit të vendimeve të Gjykatës Kushtetuese nga partia në pushtet. Akuzon drejtësinë edhe për rrëmbimin e kryetarit të partisë, Ilir Meta

Kandidati i Partisë Demokratike, Xhemal Gjunkshi, ish-gjenerali që firmosi dhe i hapi rrugë përfundimisht aferës së dosjes “Partizani” në favor të familjes Berisha, kërkon në KQZ pamjet filmike të numërimit të votës së diasporës për qarkun e Dibrës, për zgjedhjet e 11 majit

Deputetët e rinj të Partisë Socialiste do të ndjekin një shkollë verore njëmujore nga 20 qershori deri më 20 korrik, në kuadër të 'Akademisë Politike' të PS-së, e ndarë në pesë module leksionesh. Në këtë trajnim do të përfshihet edhe kryeministri Edi Rama, i cili do të japë leksion mbi rolin e deputetit dhe etikën e përfaqësimit.

Ministri Hasani flet për konfliktet në Lindjen e Mesme që kanë trazuar botën.  Ai u ndal edhe tek marrëdhëniet me Greqinë të cilat tha se ndodhen në një moment të mirë. Hasani dha lajmin se Shqipëria do të çelë një tjetër grupkapitull me BE-në brenda muajt qershor ose në ditët e para të korrikut.