Politikë

Qeveria i ka hapur rrugë krijimit të Forcës Rezerviste. Në mbledhjen e Këshillit të Ministrave është miratuar pr.ligji për “funksionimin dhe organizimin e forcës rezerviste”.

Ministri i Mbrojtjes, Pirro Vengu përshëndeti ditën e sotme përfaqësuesit e vendeve të Mesdheut, të mbledhur në Tiranë, në Forumin e Funksioneve të Rojës Bregdetare Mesdhetare, organizuar nga Drejtoria e Përgjithshme Detare e Bashkimit Evropian.

Komisioni Evropian ka publikuar progres raportin për Shqipërinë për vitin 2024, teksa evidenton avancimin e vendit në pjesën më të madhe të fushave e mbështetet objektivin e qeverisë shqiptare për të mbyllur negociatat brenda vitit 2027. KE veçon konfliktin politik, për të cilin thotë se s’ka lejuar parlament normal.

Ministria e Jashtme greke ka reaguar lidhur me incidentet me Fredi Belerin, i cili ndodhet në Tiranë si pjesë e delegacionit prej 10 eurodeputetësh në kuadër të Komisionit Parlamentar të Stabilizim-Asociimit BE-Shqipëri.

Ndërsa qeveria vijon takimet me pensionistët për të ndarë pikëpamje për skemën e re të pensioneve, para kryeministrisë u organizua sot një tjetër protestë, pjesëmarrës të të cilëve janë sërish të moshuar të cilët kërkojnë një pension dinjitoz.

Ministri i Drejtësisë Ulsi Manja ka takuar ditën e sotme, homologun malazez. Përmes një postimi në rrjetet sociale, Manja shkruan se pas publikimit të progres-raportit të BE, do të fillojnë takime në nivel teknik për kapitullin 23.

Edhe pse sistemi bankar është goditur nga sulmet kibernetike me qëllim marrjen e të dhënave apo hakerimin e llogarive, Guvernatori i Bankës së Shqipërisë Gent Sejko thotë se çdo gjë është në kontroll dhe e qëndrueshme. Gjatë komisionit të dezinformimit, Sejko dhe drejtoresha e AMF u pyetën edhe për investimet e huaja me origjinë nga vende jo mike, por sipas tyre nuk ka indice të tilla. 

Policia e shtetit kallëzoi sot në SPAK 16 deputetë të opozitës lidhur me protestën e 29 tetorit, kur për 3 orë bllokuan 6 rrethrrotullime kryesore duke ndalur kështu lëvizjet në 6 akse nacionale kryesore të vendit. 4 protestues te arrestuar.

Nga

Esiona Konomi

Në një reagim për Report Tv, OSBE-ODIHR thotë se sondazhi online për Kuvendin e Shqipërisë i cili ngjalli polemika nga disa deputetë të opozitës, që “është pjesë e një auditimi gjinor që ODIHR po kryen me ftesë të kryetarit të Kuvendit të Shqipërisë”.

Dy ditët e tryezës mes Brukselit dhe Tiranës përfunduan pa dokument të përbashkët. Komiteti Parlamentar i Stabilizim Asociimit BE-Shqipëri nuk arriti të miratonte një rezolutë të përbashkët, pasi opozita nuk e votoi. Shkak për këtë, sipas PD, u bë refuzimi që mazhoranca u bëri të gjitha mendamenteve të propozuara nga opozita. Por teksa u gjet gjuha me Belerin, 'sharra ngeli në gozhdë' me opozitën vendase

Sot paradite kryefjala ishte vizita e disa eurodeputetëve të Parlamentit europian mes të cilëve ishte dhe Fredi Beleri. Sakaq, pati dhe një situatë ku Beleri u qëllua në bulevard me vezë dhe kos nga një qytetar që po protestonte kundër ardhjes së tij në Shqipëri, duke i kujtuar masakrën e Peshkëpisë. Në Repolitix u diskutua mbi vizitën e Fredi Belerit në Tiranë, tashmë si eurodeputet grek.