Politikë

Nga

Esiona Konomi

Hyrja e forcave speciale policore brenda në oborrin e Kuvendit kur aty ishin edhe deputetët, ka shkaktuar debate mes uniformave blu dhe Gardës së Republikës. Përmes burimeve, Report Tv mëson se Garda nuk kishte kërkuar ndihmën e policisë, ndërsa deputetët e PD-së i kërkuan kryeparlamentares Spiropali të informojë se kush e dha urdhrin. Sipas burimeve, hyrja e policisë u lejua nga një oficer i ri i gardës, i cili nuk e vlerësoi si duhet situatën, por rasti është duke u hetuar.

Sekretari i Përgjithshëm i Partisë Demokratike, Flamur Noka ka kërcënuar ministrin e Brendshëm, Ervin Hoxha, por edhe kryetaren e Kuvendit, Elisa Spiropali.

Denigron situata para parlamentit të Shqipërisë. Deputetët e opozitës kanë sulmuar fizikisht gardhin e sigurisë së Gardës dhe Policisë, e cila erdhi me përforcime për të mbrojtur Kuvendin.

Këto janë disa nga fotot se çfarë nuk u pa gjatë seancës së sotme plenare.

Përplasje e ashpër fizike mes deputetëve të PD dhe FNSH në oborrin e Kuvendit. Pasi militantët që po protestonin në Bashkinë e Tiranës shkuan para Kuvendit, FNSH u fut në oborr. PD i sulmoi fizikisht dhe pretendoi se një efektiv i nxori armën Nallbatit dhe Baçit. Policia përgënjeshtron duke thënë se polici nuk kishte armë, por spraj piper, ndërsa paralajmëron kallëzim për dhunuesit. PD: I kallëzojmë në SPAK. 

Mosbindja civile e PD konsiderohet e gabuar nga 70% e shqiptarëve. Në sondazhin e Report Tv, shqiptarët janë dakord në masë me përjashtimin e deputetëve që dogjën karriget. Ndërkohë, 50.3% e shqiptarëve të pyetur, ku gati 1/3 janë emigrantë do të votonin PS-në nëse do të kishte zgjedhje sot, lajmi është se Ilir Meta ka rënë në tatëpjetë, duke u zëvendësuar si forcë e tretë nga surpriza Adriatik Lapaj.

Aksioni i opozitës jashtë e brenda sallës së Kuvendit revoltoi socialistët të cilët thanë se benzina është vdekjeprurëse dhe kërkuan që ndaj tyre të merren masa. Brace u shpreh se opozita kërkon të dëmtojë integrimin, ndërsa Majko i kujtoi molotovët në selinë rozë, njw gjest i pandodhur as në luftë – theksoi ai