POP 5

Lajmet më të lexuara të 5 minutave të fundit

Kronikë

Emërohet prokuror bashkëshorti i deputetes Felaj, Vate Staka nuk 'pranohet' në KLP

U përzgjodh për të përfaqësuar prokurorët në KLP dhe zëvendësuar Antoneta Sevdarin e shkarkuar nga vettingu, nuk pranohet në mbledhjen e parë Vate Staka. Shkak është bërë afati 5 ditor që njeh ligji për të ankimuar zgjedhjen e Stakës në KLP, ndërsa në mbledhjen e kësaj të hëne u emëruar prokuror në Tiranë bashkëshorti i deputetes Ermonela Felaj i cili fitoi këtë të drejtë në gjyq me presidencën.

Prokurori i Shkodrës i zgjdhur anëtari më i ri i Këshillit të Lartë të Prokurorisë, ju drejtua sot sallës së seancave plenare në këtë Këshill.

Në mbledhjen e kësaj të hëne pritej që Vate Stakaj të ishte i pranishëm për të zëvendësuar Antoneta Sevdarin e shkarkuar prej vettingut. Por pas pak minutave ku ai ishte ulur mes anëtarëve të tjerë ka lënë sallën pasi me shumicë KLP ka votuar që të pritej afati ankimimit për 5 ditë nëse dikush do të kundërshtonte apo jo zgjedhjen e tij në KLP.

Me largimin e Stakës mbledhja vazhdoi pa praninë e medias ku KLP caktoi si drejtues të përkohshëm në Sarandë prokurorin Sali Hasën i cili zëvendëson Edison Ademin e shkarkuar nga vetting.

Në Durrës në vend të Ferdinand Elzeit të shkarkuar prej vettingut u caktua përkohësisht Ludovik Doda i cili mori dhe votat maksimale ndër të caktuarit përkohësisht plot 10 vota.

Një tjetër pikë në të cilën anëtarët e KLP-s kanë qenë të ndarë në dy grupe ishte dhe ajo e emërimit prokuror të Bledar Valikajt i cili fitoi me gjykatë të drejtën për të kaluar nga oficer i policisë gjyqësore në prokuror.

Bashkëshorti i deputetes Ermonela Felaj, Bledar Valikaj, mori 5 vota pro duke fituar statusin e prokurorit dhe duke u emëruar si i tillë në akuzën e kryeqytetit.

Ndërsa 2 javë pas çeljes së garës për kryeprokuror sipas KLP-së nuk është regjistruar asnjë aplikim apo kandidaturë paçka se ka afat dhe 2 javë deri më 30 prill 2019.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Santa Quaranta: 15/04/2019 15:27

    Prandaj kemi arritur ne kete derexhe!! Vini gomarin perpara kalit!!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu në Report TV: “Paketa e maleve” pozitive, por jo të gjithë emigrantët mund bëjnë bujtina apo hotele! Duhen oferta për kthimin e profesionistëve

Kreshnik Spahiu në Report TV: “Paketa e maleve” pozitive, por jo të gjithë emigrantët mund bëjnë bujtina apo hotele! Duhen oferta për kthimin e profesionistëve

24 Nëntor, 17:06