1 dekadë karrierë politike, sport
dhe biznes e Sahit Fishtës

Sportisti dhe politikani i arrestuar një natë më parë për ndërtimin e paligjshëm të 9 pallateve në plazhin e Velipojës rezulton një biznemsen i njohur në qarkun e Shkodrës.

Karriera e tij politike nisi në 2009 ku ai për herë të parë garoi për deputet në siglën e Lëvizjes Socialiste për Integrim.

Ish kampioni kombëtar i mundjes nuk mundi të fitoj mandatin e deputetit por nuk u tërhoq nga politika për të tentuar sërish në zgjedhjet e 23 qershorit 2013 këtë herë në listë me nr.8 nga Partia Socialiste.

Sipas gazetarit Artan Hoxha, emri i politikanit 53 vjecar Sait Fishta ka dalë dhe në përgjimet e ish adminsitratorit të borxheve të Cez Kastriot Ismailaj, ku flitej se si duhet të ndihmohej Fishta për të marrë një kredi për zgjedhjet e 2009-ës
.
Sahit Fishta u fut në politikë pas 2 dekadave në aktivitetin e biznesit kur prej 1991 ai krijoi kompaninë Fishta shpk.Ai rezulton se është ndërtuesi i një sërë kompleksesh banimi në shkodër prej 2002 deri në 2011, kohë në të cilën ai nisi kompleksin turistik Fishta në plazhin e Velipojës.

Për komplesin për të cilin ai u prangos dhe akuzohet për ndërtim të paligjshëm me anë të një reklame publike ai njofton që në vitin 2012 se kompania e tij ka fituar lejen nga këshilli kombëtar i territorit drejtuar nga ish kryeministri Berisha dhe ish Ministri Sokol Olldashi.

Në qarkun e Shkodrës Sahit Fishta njihet dhe për raportet e tij të afërta jo vetëm me deputetin Paulin Stërkaj për shkak se të dy kanë qenë sportist të mundesj por dhe me lidhjet për deputetin Tom Doshi.


Redaksia Online
( b.h/Shqiptarja.com )

TAG:
• Artan Hoxha